Home Hudicial Caso penal contra lider cu ta guia muchanan sospechoso di inmoralidad

Caso penal contra lider cu ta guia muchanan sospechoso di inmoralidad

0
0
SHARE
- Advertisement -

ORANJESTAD   (AAN) – E siman aki Corte den Promer Instancia ta trata e caso penal cu Ministerio Publico a cuminsa contra e homber M., kende ta wordo sospecha di a haci inmoralidad cu un mucha muher. Na October 2015, e caso aki a bin dilanti pro forma y a keda palabra cu e siman aki lo trata e caso.

INMORALIDAD CU MUCHA

Na October Fiscal a presenta caba e acusacion contra M. Fiscal a bisa cu e acusacion contra e homber M. ta cu durante 2015, e lo a haci actonan inmoral cu un mucha muher di 17 aña.

ABOGADO A PIDI PA SCUCHA TESTIGO

Den sala di Corte tabata presente e hoben dama victima, cu a bin acompaña cu abogado mr. Caster y algun persona. Tambe tabata presente familiarnan di e sospechoso M.

Abogado mr. Illes cu ta representa M., a bisa Hues cu el a haya dos caha yen di documento encuanto e caso mucho laat y e no a haya debido tempo pa studia esaki bon pa asina por defende su cliente debidamente. Tanto Fiscal como Hues a bay di acuerdo cu e peticion y a puntra e abogado cu mirando cu ta pospone e caso, si e tin peticion pa haci algo promer cu e caso. E abogado a bisa cu te awor e kier scucha un testigo.

CASO POSPONI

Hues, despues di a wak den su agenda, a fiha dia 4 di December pa 8.30 di mainta pa trata e caso. Hues a bisa tambe cu e ta honra e peticion di abogado mr. Illes pa scucha e testigo. Hues a bisa cu e ta instrui Hues Comisario pa scucha e testigo y tambe Hues lo informa Hues Comisario cu e caso ta poni pa wordo trata dia 4 di December 2015.

Abogado mr. Illes a keda di facilita address y telefoon di e testigo pa asina tur cos cana mas liher posibel.

E caso aki a cay manera un baño di awa frieu pasobra ta increibel cu un lider di grupo, cu ta haya e resposabilidad di guia un grupo di mucha, ta bay haci algo asina.

DIARIO no ta bay den speculacion pasobra no tin mucho informacion kico realmente a sosode. Ta ora di tratamento di e caso, detayenan ta bin dilanti y ta durante tratamento di e caso Hues ta evalua si e sospechoso ta culpable of no.

Ta asina cu e sospechoso M. ta keda encarcela te dia 4 di December 2015, caminda e lo mester presenta den Corte pa duna cuenta pa e delito serio cu e ta wordo sospecha di dje. DIARIO lo cubri e caso aki y lo informa lectornan tur loke a sosode den Corte.

 

- Advertisement -

DUNA COMENTARIO

Please enter your comment!
Please enter your name here