Home General Comision fiho di Turismo a haci un comeback

Comision fiho di Turismo a haci un comeback

0
0
SHARE
- Advertisement -

Parlamentario-Jennifer-Arends-ReyesORANJESTAD (AAN): Comision Fiho di Turismo, di Parlamento, ta activo, y lo sigui tur desaroyo di cerca!

Segun Sra Arends-Reyes den calidad di presidente di comision fiho di turismo, e comision a haci un ‘come back’ despues di tabata inactivo bao di liderasgo di MEP den e prome aña.

Pa un aña largo e comision aki bou di presidencia di Dangui Oduber di Mep no a reuni ni cu un stakeholder pa scucha nan of duna e comision e balor pa tur colega di tur fraccion por discuti den un setting profesional na mesa. E ta exihi madurez politico pa por tin e boluntad pa asina por yega huntu na mihor solucionan pa bo pais.

E entidadnan semper a expresa cu nan ta hopi satisfecho y agradecido di por sinta na mesa despues di hopi tempo cu legisladornan/ representante di pueblo den reunionan. E ta crea un plataforma caminda por ricibi bon informacion, por intercambia idea, haci pregunta critico y yega na mihor comprendimento di nan trabao y punto di bista.

Durante henter aña 2015 Dangui Oduber di Mep tabata grita so y purba di trece cifranan di Turismo incompleto y inoficial cu e meta pa duna un bista negativo pa cu nos Turismo. Y cada biaha ta resulta cu mester coregi e informacion incompleto y inoficial cu ta ser treci dilanti. Cada biaha e meta y seriedad di e punto di bista negativo aki ta ser cuestiona.

Tur hende por ta critico pero tur cos no por ta malo. Esaki sigur ta di lamenta pa motibo cu ta profesionalnan y entidadnan serio cu partnernan internacional ta traha den e industria di Turismo. Esaki no ta manera profesional di trata cu representantenan di asociacionan y entidadnan serio na Aruba.

E ta un sla hopi duro cada biaha cu ta trece tur nan esfuerso pa cu e industria den un luz negativo. Aruba conose entidadnan entre otro manera AAA (Aruba Airport Authority), AHATA (Aruba Hotel and Tourism Association), ATA (Aruba Tourism Authority) pa menciona algun cu ta traha na beneficio di nos Aruba y cu ta cosechando logronan grandi.

Cada un di e entidadnan ki ta sinta na mesa den reunionan cu comision fiho di Parlamento, tanto pa duna un perspectiva di locual nan ta spera di e mercado, desaroyonan pero tambe con Parlamento lo por aporta. Na momento cu e presidente of cualkier miembro di comision ta sinti cu tin un topico cu ta biba den pueblo, ta llama un reunion cu Minister encarga cu Turismo, huntu cu Minister di Salubridad of huntu cu Minister di Husticia por ehempel pa discuti topiconan manera influx di turistanan Venezolano, impacto di e industria riba nos economia, e trend di All-Inclusive, seguridad of otro topiconan cu ta actual den discusion. E influencia di e comision ta grandi mirando cu mas mihor informa e miembronan ta, ta mihor decisionan ta ser tuma na bienestar di Pais Aruba.

 

 

- Advertisement -

DUNA COMENTARIO

Please enter your comment!
Please enter your name here