Home General Cruz Cora Aruba a keda contento y ta cla pa sigui

Cruz Cora Aruba a keda contento y ta cla pa sigui

2
0
SHARE
- Advertisement -

Clausura di otro campaña exitoso

ORANJESTAD   (AAN) – Cu un donacion di AFl. 140.338 Valero Marketing & Supply Aruba N.V. a sa di alegra e dianan di fiesta di un fundacion masha stima den comunidad… Cruz Cora Aruba.

Durante e conferencia di prensa pa clausura otro campaña exitoso representante di Valero Marketing & Supply Aruba N.V., Sra. Mariaine Croes, a hiba palabra. ‘Ora bo ta yuda, otro lo yuda bo! Cruz Cora Aruba ta yuda durante henter aña y na november pueblo di Aruba a yuda Cruz Cora y yenando nan tanki di gasolin na stacionnan di Valero pueblo a recauda AFl. 140.338 pa Cruz Cora’.

Sr. Hans de Ruiter, tesorero di Cruz Cora Aruba, ta sumamente contento cu aña tras di aña e fundacion ta ricibi sosten for di Valero Marketing y pueblo di Aruba. ‘Pa nos por keda yuda pueblo nos mester pa pueblo yuda nos y esaki a pasa un biaha mas. E donacion aki lo wordo bon usa den diferente projectonan cu lo beneficia nos comunidad’, Sr. de Ruiter a remarca.

Valero Marketing y Rode Kruis ta manda un danki masha grandi pa full comunidad di Aruba pa e respaldo ricibi y ta desea pueblo henter Felis Dianan di Fiesta.

- Advertisement -

DUNA COMENTARIO

Please enter your comment!
Please enter your name here