Home General Mayoria di chofer di autobus NO ta beneficia di pasaheronan Venezolano!

Mayoria di chofer di autobus NO ta beneficia di pasaheronan Venezolano!

0
0
SHARE
- Advertisement -

Un impresion robes tin den pueblo y hasta den SIA:

ORANJESTAD (AAN) – Matutino DIARIO a haya comentario di un chofer di autobus, tocante locual hopi hende ta kere: cu nan tur ta beneficia hopi di transporta pasaheronan Venezolano.

Realidad ta cu si tin algun cu ta bin den grupo, cu ta regla di adelanta nan transportacion entre e bario unda nan ta bay hospeda y Playa of otro camindanan cu nan ta bishita.

Asina nan tin transportacion sigur na e oranan cu nan ta desea y e por wordo regla pa e mesun doño di e vivienda cu nan ta huur y nan ta pasa pa otronan ora nan bay nan pais bek, of tin un deal entre un par di chofer cu nan ta comparti cu otro e transporte aki.

Pero no ta e mayoria ta of por haci esaki. Otro chofernan ta pasa den circumstancianan masha desagradable mas bien. Pa prome, ora nan ta wak un grupo di Venezolano cu nan maleta y incluso cu mucha canando un distancia largo, y ta stop pa wak si nan ta bay subi bus, nan ta wordo bisa cu no pasobra na Aruba e transporte ta hopi caro, cu nan no ta bay paga un dollar y mey siendo cu na Venezuela nan ta paga menos di 25 cen di florin pa bus y nan ta sigui cana.

Otro chofernan ta confronta cu e situacion cu un grupo di cinco of seis ta pidi pa baha nan den un bario paden, cu generalmente e pasahero local ta paga un florin of 1.50 extra, pasobra ta basta un pida extra e chofer tin cu core.

Ora di paga nan ta rabia cu e chofer pasobra nan ta pretende pa nan haya e servicio pa e mesun prijs di un ruta regular, esta 2.50 florin, y nan ta bira hasta grosero cu e chofer y tin cu di berdad no ta paga mas di e 2.50 florin, pesey awor e chofernan ta exigi pa nan paga ora nan subi bus.

Manera den tur otro situacion no por generaliza. Tin di nan ta masha educa y comprensivo pero algun (y no ta poco) ta basta mal educa y sin manera. Asina e chofer a menciona.

Y tin un motibo pa e referi na esaki, pues ta parce cu hasta Servicio di Impuesto ta bezig ta investiga si e pasaheronan Venezolano ta laga hopi ganashi pa e chofernan di autobus chikito. Con boso ta haya…?

- Advertisement -

DUNA COMENTARIO

Please enter your comment!
Please enter your name here