Home General Minister Otmar Oduber ta spera cu leynan debido den e parti maritimo...

Minister Otmar Oduber ta spera cu leynan debido den e parti maritimo haya su atencion debido proximamente

0
0
SHARE
- Advertisement -

Minister Otmar Oduber ta spera cu leynan debido den e parti maritimo haya su atencion debido proximamenteORANJESTAD   (AAN): Departamento di Scheepvaart a cambia un cantidad di ley, nan ta hopi mas activo cu tabata anteriormente.

Segun Minister Otmar Oduber, e ta orguyoso di e departamento aki, con e ta funcionando, for di su top te na e esnan cu ta haci e controlnan den e diferente negoshinan, diferente boto, barconan cu tin na Aruba., Hopi ta e leynan cu a wordo cambia a base di e Twinning’s Project cu tin na Hulanda. Na dos ocasion a extende esaki.

Tin un paar di ley cu ta pendiente na departamento huridico y un di nan definitivamente ta un cu tabata pa basta tempo caba ta pone presion, a presion a haya prioridad di conseho di minister pa un paar di aña, a pone halto riba agenda.

Manera uc presupuesto ta tras di lomba na December/Januari, cu e por haya atencion debido pa e leynan aki cu ta duna e instrumento e ora na departamento di directie scheepvaart pa por controla na un forma mas estricto.

No estricto pasobra kier ta streng, pero estricto pasobra hendenan ta dehado. Nan ta kere cu nunca nada por pasa y cada hende cu perde, corda un grupo grandi di 10 mester por perde riba lama y danki dios cu den e caso aki a bin bek sano y salvo, ta haci un famia, henter un comunidad dolor.

P’esey ta pone asina hopi presion patras di e leynan aki. Hopi biaha hendenan ta considera cu ora cu registra tambe un boto aki na Aruba, ta manera un vrijwaring, manera un cos cu ta haya e libertad di haci kico cu ta cu e boto ey.

Corda cu na momento cu ta haya e keuring aki of registra e boto aki, esey kiermen ta registre den awanan teritorial di Aruba, no necesariamente e boto ey kiermen pasobra cu el a wordo registra, e ta ekipa suficientemente pa por biaha lamanan grandi, crusa fronteranan y bay otro pais.

Den e ley cu tin awor aki, berdad tin casi 2 aña caba cla, en todo caso cla door di expertonan di e departamentonan scheepvaart, maritimo como tambe ministerio y Hulanda den e Twinning’s Project cu a haci e draft, Directie Juridische Zaken mester caba di one e finetunning riba dje, pa esaki bay den direccion di Parlamento.

Den e mesun leynan aki, ta mustra cu un boto cu ta drenta awa teritorial di Aruba, ta momento cu directie scheepvaart, departamento maritimo ta cay aden. Mester por meld esaki aan na Havenmeester.

Tin un procedura pa esaki. Mester bisa pakico ta drenta y tur e motibonan pa cual ta bin Aruba. Pa loke ta trata e control mes riba documentonan of kico un persona ta bin cune, no ta cay bao di e departamento maritimo.

Esey ta cay completamente pa douane, pa imigracion, dependiendo na cua waf nan ta yega Aruba. Sa tambe cu tin deficiencianan cu mester por yuda e departamentonan aki pa eherce nan trabao mas miho ainda cu ta posibel.

Na Barcadera tin e atencion di e Minister. Ta sinti como esun responsabel pa departamento maritimo cu tambe den e caso aki ta loke ta yama e designated authority.

E director eynan ta e autoridad designa pa loke ta trata tur loke ta sosode riba awanan teritorial di Aruba y tin un preocupacion pa loke ta e aspecto di siguridad mester tin eynan na Barcadera, pa loke ta trata ora tipo di barconan aki ta yega, hendenan cu por ta, ta bandona of ta drenta e propiedad aki sin e autorisacionnan necesario y hasta mercancianan cu por ta, ta drenta of Sali sin e autorisacion necesario.

E departamentonan tur concerni, incluyendo APA, ta na mesa sinta na e momentonan aki. Sa cu tin un construccion grandi tumando luga tambe na e waf di Barcadera, cu tin basta persona, trahadornan di construccion cu tin un planning mas amplio cu tin cu wordo haci, pero e parti di siguridad ta keda e responsabilidad di e havenmeester, hunto cu e autoridad designa y finalmente e minister mes pa loke ta e artefactonan, den e caso aki ekipo, boto y mercancía cu ta pasa riba lama y yega na nos fronteranan, e minister a conclui.

 

- Advertisement -

DUNA COMENTARIO

Please enter your comment!
Please enter your name here