Home General Presupuesto Supletorio 2015 firma pa gobernador

Presupuesto Supletorio 2015 firma pa gobernador

0
0
SHARE
- Advertisement -

Premier Eman a ricibie for di man di gobernador:

ORANJESTAD(AAN):Diamars merdia durante bishita di prome minister Mike Eman na Gobernador el a drenta y worde ricibi mesora cu e presupuesto supletorio firma. Esaki sigur ta algo positivo. Ainda ta corda con e presupuesto 2014 tabata cu hopi turbulencia rond di dje.

E prome indicacion cu e presupuesto supletorio 2015 lo cana un caminda mas positivo cu 2014 por a constata caba desde conseho di Raad van Advies. Raad van Advies a bisa cu e presupuesto ta den e margennan di e normanan stipula den e ley di CAFT. Ainda dialuna durante e conferencia di MEP, e lider a expresa cu hopi duda cu gobernador lo firma esaki.

Te hasta el a menciona cu tin cu pasa via CAFT y despues den conseho di reino y no ta descarta otro KB pa gobernador. Den e caso aki mester decepciona e lider di MEP un biaha mas. Mientras cu e ta desea malo so pa gobernacion di pais Aruba, cosnan bon ta keda sosode durante algun dia prome cu aña caba.

Prome Minister Mike Eman ta hopi satisfecho cu presupuesto supletorio 2015 a keda aproba y ratifica pa gobernador. Awor presupuesto 2016 tambe ta na parlamento caba cla pa worde trata na January.

E presupuesto aki tambe segun prome minister lo bay cumpli cu e normanan di CAFT y lo hiba Aruba na e deficit mas abou cu a conoce desde Status Aparte cu ta 2% di nos producto bruto nacional.

Prome Minister ta mira 2016 como uno hopi prometedor caminda awor no unicamente e economia di pais a worde saca for di crisis, pero tambe e finanzas publico cu a worde hereda na 2009.

Cu apertura di aña ta spera tambe mas noticia positivo rond di e asunto di refineria y asina Aruba lo cuminsa 2016 cu persepectivanan positivo tanto pa locual a trata economia y finanzas publico.

Esaki lo trece un stabilidad importante pa stimula mas confianza y inversion den 2016.

 

- Advertisement -

DUNA COMENTARIO

Please enter your comment!
Please enter your name here