Archivo di January, 2016

Caricatura

Publication: Saturday, 30 January 2016. Categoria: General

car

Homber turista a agredi dama taxista y joyride su auto

Publication: Saturday, 30 January 2016. Categoria: Policial

ORANJESTAD   (AAN): Diabierna mey anochi riba Caya Ernesto Petronia un señora taxista tabatin un pasahero turista masculino den su auto.

Riba caminda e homber a maltrata e señora formalmente, golpi’e na su cara lagando e señora malamente herida.

E turista a drenta e señora su auto pasa auto riba e señora su pia y joyride esaki bay cun’e. Tabatin persona cu a mira e sucedido y raporta na polis di biaha.

Tres casonan sospechoso di Zika a resulta negativo

Publication: Saturday, 30 January 2016. Categoria: General

Maribel Tromp:

Tres casonan sospechoso di Zika a resulta negativoORANJESTAD(AAN): Maribel Tromp di Departamento di Salubridad Publico, ta splica cu ainda Aruba no tin e malesa di Zika, pero ta bon pa nos tur ta riba un alerta. E virus di Zika mentras tanto a plama hopi liher den Caribe.

E ta sigui conta cu Corsou berdad ta experencia su caso importa mas of menos dos siman pasa y siman pasa nan a haya nan prome caso autochtono. Esey ta nfica cu transmision ta local. Esaki kiermen cu e virus ta circulando caba na Sangura cu tin na Corsou na e momentonan aki.

Na Aruba, te ainda nos no tin caso di Zika confirma, si a haya desde December pa awor aki un cantidad di caso sospechoso. Tur muestra cu tin a worde getest riba dengue, Chikungunya y a worde manda pa Zika na Hulanda y te ainda no tin confirmacion. E resultado di e tres casonan ta negativo. Ta en espera di un resultado di Hulanda pronto.

Minister de Meza a duna splicacion amplio na Parlamento riba e status di refineria

Publication: Saturday, 30 January 2016. Categoria: General

Minister de Meza a duna splicacion amplio na Parlamento riba e status di refineriaORANJESTAD (AAN) – Den su presentacion den Parlamento Minister encarga cu Asuntonan di Energia ing. Mike de Meza a papia ampliamente riba dos topico cual ta e situacion di e refineria cu tin un interesado, esta Citgo, y exploracion di gas den awanan teritorial di Aruba.

Segun e mandatario a splica den 2015 e tabatin 3 of mas encuentro cu e comision di energia di Parlamento durante cual a entrega tur informacion disponibel riba e temanan menciona. For di september, despues di firma un MOU cu Valero, a cuminsa papia cu e compania interesa pa tuma e refineria over.

Cada biaha Parlamentario usa palabra malo lo bay kita placa di su salario

Publication: Saturday, 30 January 2016. Categoria: Politica

Un idea pa drecha Parlamento…

ORANJESTAD (AAN): Diabierna atardi durante Reunion di Parlamento, dado momento fraccion di MEP a protesta contra algo cu a socede den sala.

Lider di fraccion di MEP, a indica cu mientras cu Parlamentario Glenbert Croes tabata atende lista di pregunta cu Ministro Sevinger, dado momento e Ministro di Husticia, Dowers, sinta den e mesanan di Parlamentarionan, a dicidi na dirigi su mes na Glenbert y a yame pa sinberguenza.

Segun MEP, Dowers a haci esey siendo cu e ta un ‘huesped’ den sala, y insulta asina un Parlamentario di nan cu ta eyden haciendo su trabao.

Pues un biaha mas, e asunto di insulto y palabra malo den Sala di Parlamento a bin na discusion.

Habitante ta lucha cu ladron den Caya ing. Roland Lacle

Publication: Saturday, 30 January 2016. Categoria: Policial

Habitante ta lucha cu ladron den Caya ing. Roland LacleORANJESTAD(AAN):Un ladron a kere cu e por yega kibra bentana y drenta cas den Caya ing Roland Lacle.

Aki el a faya pasobra el a topa cu e doño di cas cu a sali na defensa di su propiedad. Polis a worde yama cu urgencia na e lugar pasobra e lo tin e ladron wanta.

Zika a bira un malesa regional cu a extende pa otro pais pafo di nos region

Publication: Saturday, 30 January 2016. Categoria: General

Dr. Wilmer Salazar:

ZIKA salazarORANJESTAD(AAN): Den prensa, Zika a bira un malesa regional, no solamente Latino America y Caribe, pero ta extendiendo na otro paisnan, pafo di nos region, segun dokter Wilmer Salazar di Departamento di Salud Publico.. Loke por bisa di Zika cu ta un virus cu ta transmiti door di un sangura cu ta Aedis Aegypti, e mesun sangura transmisor di Dengue y Chikungunya.

Zika ta famia di Dengue, pero e tin un particularidad, cu ta un virus neurotropico. Esey kiermen cu e ta gusta biba, reproduci, invadi, infeca e celnan nervioso, entre otro celnan di cerebro. Pesey tin evidencia cu e lo por ta relaciona cu e casonan di Microcefalia cu a worde notifica na Brasil y cu e lo por extende na otro paisnan.

Departamento di Engineering na Ritz-Carlton a gana un tremendo premio

Publication: Saturday, 30 January 2016. Categoria: General

ORANJESTAD     (AAN): Recientemente e Director di departamento di Engineering na The Ritz-Carlton, Aruba esta Jose (JC) Silveira a biaha pa New Orleans pa otorgamento di “2015 GITB Award” durante di un recepcion na Marriott New Orleans.

Un total di 261 hotel cu ta cai bou di e cadena di Marriott Hotels a participa pa e premio aki y The Ritz-Carlton, Aruba a sali na e di 2 lugar cu 1135 punto, faltando solamente 2 punto pa por a gana San Diego, Marriott Marquis, cu a gana e prome premio cu 1137 punto.

Cuidador di preso sentencia na cinco aña di prison

Publication: Saturday, 30 January 2016. Categoria: Judicial

durante 7 aña el a abusa di su yiu muher menor di edad

Cuidador di preso sentencia na cinco aña di prisonORANJESTAD (AAN): E homber S., kende ta worde acusa cu entre 30 Augustus 2008 te cu 29 September 2015 e tabata haci actonan inmoral y hasta tene relacion sexual cu yiu muher menor di edad, ayera mainta a tende Hues bisa cu e ta worde condena na 5 aña di prison. Hues a confirma e exigencia di Fiscal, kende a condena totalmente loke S. a haci.

ABUSA DI SU PROPIO YIU:

Dia 8 di Januari 2016, tratamento di e caso a tuma lugar y Hues a puntra S., ta con e por a haci algo asina. Segun S., e tabata haya emocion cu e no por a controla. El a bisa Hues cu despues di algun aña el a bisa su yiu cu e sa cu el a haci malo y pa stop pero despues el a bolbe cuminsa cu su yiu y cos a bay mas leu te cu el a tene relacion sexual cun’e.

Taxistanan ta pidi husticia y prohibi e turista bandona Aruba

Publication: Saturday, 30 January 2016. Categoria: General

Taxista femenino maltrata door di turista interna den Cuido Intensivo

ORANJESTAD (AAN) – Taxistanan ta traha den un situacion hopi peligroso, mas ainda e taxistanan femenino. Continuamente nan ta victima of otro actonan di violencia. Despues cu na final di aña pasa un taxista a ricibi un bala for di un arma di candela, e siman aki un turista a agredi un taxista femenino. El a maltrata e muhe severamente.

E taxista ta interna den dr. Horacio Oduber Hospitaal. Un grupo di taxista a reuni y a expresa cu nan a keda den shock ora cu nan a tende loke cu a pasa cu nan colega. Un colega femenino cu a worde maltrata door di un turista, cu ta algoi “inaceptabel”. Nan ta pidi husticia y Ministerio Publico tuma e caso aki hopi na serio.

Segun atracador , alcohol y droga el a pone comete atraconan arma

Publication: Saturday, 30 January 2016. Categoria: Judicial

Segun atracador , alcohol y droga el a pone comete atraconan armaORANJESTAD (AAN): E casonan penal di atraco arma cu Ministerio Publico a cuminsa contra e homber J.A. a cuminsa worde trata pero na dado momento Hues a dicidi di para esaki. Motibo pa esaki tabata cu un di e victimanan di atraco arma, no a worde invita pa ta presente den Corte, siendo cu el a expresa di kier ta presente.

ACUSACIONNAN:

E acusacionnan cu Fiscal a presenta contra J.A. ta cu riba 11 di Juli 2015, e hunto cu otronan a haci dos atraco arma. Un ta riba un dama cu tabata para banda di un misa. E otro ta riba un homber di Bonaire cu tabata na Aruba como turista y nan a atak’e na Lighthouse.

Minister Paul Croes a logra keda den e cuadro financiero pa medio di maneho

Publication: Saturday, 30 January 2016. Categoria: General

Minister Paul Croes a logra keda den e cuadro financiero pa medio di manehoORANJESTAD(AAN): E maneho “Ban traha” introduci pa Minister Paul Croes, unda cu ta motiva y asisti personanan cu ta ricibi bijstand pa integra of reintegra riba e mercado laboral a duna su frutonan. A logra saca 360 persona for di e sistema di bijstand y asina e “pot” aki a conoce un reduccion di 3 miyon Florin.

Den un tempo relativamente cortico a logra baha e cantidad di persona cu ta ricibi bijstand fro di 2910 pa rond di 2550, segun e mandatario ta splica. Como e minister encarga cu asuntonan social, labor y hubentud, e ta satisfecho cu asina a logra pa medio di maneho pa reduci gastonan di su ministerio pa cu bijstand y tin awo tres miyon Florin mas cu por worde inverti den otro cosnan pa maneho social.

Presupuesto di Enseñansa 2016 ta esun mas grandi den nos historia cu 270 miyon Florin

Publication: Saturday, 30 January 2016. Categoria: General

Analisis Financiero ta conclui:

Presupuesto di Enseñansa 2016 ta esun mas grandi den nos historia cu 270 miyon FlorinORANJESTAD (AAN): Den preparacion pa tratamento di presupuesto 2016 den Parlamento di Aruba, Ministerio di enseñansa cohuntamente cu Directie Financiën a conduci un analisis di presupuesto y resultado di presupuesto pa e cartera di enseñansa.

A constata cu tanto presupuesto y e “realisatie” a aumenta substancialmente den e ultimo 5 aña (2010 – 2015), cada aña conosiendo un crecemento na fondonan publico cu ta destina pa enseñansa na Aruba, un total di Afl. 28 miyon den e ultimo 5 aña.

Pa e presupuesto di 2016, e area di enseñansa a conoce presupuesto di alredador di Afl. 270 miyon, cu ta e presupuesto di mas grandi cu Aruba conoce. Esaki ta conta tambe cu un aumento di Afl. 5,7 miyon. E area di enseñansa cu conose aumentonan ta den postnan relaciona cu gastonan di personeel, aumento di subsidie, materialnan pa school, seguridad y expansion di schoolnan manera Colegio San Nicolas y SPO.   

Minister Arthur Dowers no tabata na altura di caso den Corte di bufete di abogado

Publication: Saturday, 30 January 2016. Categoria: General

Minister Arthur Dowers no tabata na altura di caso den Corte di bufete di abogadoORANJESTAD (AAN): Relaciona c’un decision di Corte di Husticia riba un demanda di un oficina di abogado Croes-Wever-Tjong, Minister di Husticia Arthur Dowers a mustra cu su persona no tabata na altura di e caso aki y cu su persona tambe a keda sorprendi pa e publicacion aki.

“Mi ta spera cu bin claridad riba e asunto aki pasobra pa mi persona e caso aki tambe ta un sorpresa y mi no tabata na altura di e e casi aki pero mi a compronde cu ta Ministerio di Finansa mi a compronde ta hibando cu sosten di Direktie Wetgeving pa e proceso aki.

Loke mi a compronde ta cu e buffet di abogado aki y pa esey mi ta haya hopi strañoora cu sra Wever-Croes ta yama mi persona un criminal den Parlamento, e ta yama nos pa sinberguensa, mi ta puntra mi mes ta ki berguensa e persona aki tin cu over di e añanan cu nan tabata den gobierno, a cobra miyones di Florin for di Gobierno.

A wak auto blanco y direpiente a wak vlamnan di candela

Publication: Saturday, 30 January 2016. Categoria: Policial

ORANNESTAD     (AAN): Diahuebs anochi Central di polis a instrui patruya di Santa Cruz pa nan bay mesora na Ayo 26 debi e cas ta na candela. Na yegada personal di brandweer tey caba ta atende e caso reporta.