Home Hudicial Hefenan grandi den KIA ta maltrata preso y nada no ta pasa

Hefenan grandi den KIA ta maltrata preso y nada no ta pasa

0
0
SHARE
- Advertisement -

Abogado mr. Zara ta señala Ministerio Publico ta midi cu dos midi

ORANJESTAD   (AAN) – Manera DIARIO a publica siman pasa, durante tratamento di e caso den apelacion di e cuidadornan di preso cu a maltrata un preso, hopi cos a bin dilanti. Abogado mr. Zara asisti pa mr. Duijneveld como consehero huridico, a señala incidente nan hopi alarmante y cu ta parce cu door cu ta hefenan grandi den KIA, e casonan ta wordo hala un banda y nan no ta wordo persigui pero e cuidadornan di preso cu a actua despues cu un colega ta wordo maltrata si.

HEFENAN NO TA WORDO PERSIGUI?

Mr. Zara, kende a defende e cuidadornan di preso M.G. y I.M. a bisa Hof di Corte Superior cu Ministerio Publico ta midi cu dos midi. Hefenan grandi na KIA cu ta forma parti di gerencia y cu a maltrata preso, nada no ta pasa cu nan.

E ta haya cu aki ta violacion di e principio di igual y tambe cu mester declara Ministerio Publico no admisibel.

LAGA CACHO MORDE PRESO CERA DEN CEL

Mr. Zara a señala cu e ex director di KIA, señor W. na un occasion a manda cacho K-9 bay morde presonan den un cel pasobra un di e presonan lo a purba di dal’e door di trali di e cel. Esaki a sosode den e hala H-1 cel 2 caminda e presonanan B.Q., M. y un otro tabata cera. E director a bay pa papia cu B.Q. kende na dado momento kier a dal e ex director. Di biaha e ex director a manda yama e unidad K-9 y a ordena pa laga un cacho bay den e cel cera cu e presonan. E cacho a morde e preso B.Q. y un tercer preso.

Na opinion di mr. Zara, di e incidente aki, nada no a wordo haci siendo cu tin testigonan cu a mira tur cos.

MALTRATA PRESO GEBOEI

Mr. Zara a señala un otro incidente caminda e hefe v L. a maltrata e preso M. mientras cu e preso tabata na boei.

Un otro incidente di e hefe v L. tabata di e preso P.S., kende lo kier a mata curpa y a wordo manda pa dokter. Dokter a bisa pa hib’e cel di isolacion y na caminda pa e cel, P.S. a dal su cabez intencionalmente contra muraya. El a wordo hiba serca e dokter di KIA, kende a ordena pa hib’e PAAZ. Despues di a bay PAAZ y a bolbe KIA, e mester a wordo hiba cel di isolacion. Aki v L. lo a maltrata P.S. formal, boei e riba su lomba y lag’e drumi riba su bariga pa mas cu 7 ora den e cel. Un miembro di e team di maneho a saca potret di e maltrato pero misteriosamente e potretnan aki a disparce. Aki tambe nada a wordo haci, siendo cu tin testigonan.

Mr. Zara a bisa cu durante tratamento di e caso den Corte den Promer Instancia, Fiscal a bisa cu e no sa di e dos casonan ariba mencion y cu e lo laga investiga e caso di P.S. Sinembargo un aña a pasa y te ainda nada a sosode.

A base di e incidentenan ariba menciona, mr. Zara ta haya cu tin motibo pa declara Ministerio Publico no admisibel den e caso penal contra su clientenan cuidador di preso pasobra ta parce cu Ministerio Publico tin man riba cabez di e hefenan grandi den KIA pero e trahadornan den KIA si ta persigui y kier cera nan y kita nan for di trabou.

Esaki ta duna un mal imagen den comunidad caminda ta bisto cu e piscanan grandi den KIA por haci y deshaci mientras cu Jan cu a haci un fayo, si ta wordo castiga.

 

- Advertisement -

DUNA COMENTARIO

Please enter your comment!
Please enter your name here