Home General Hulanda y Unilever ta laga Maduro un banda pa apoya Cuba

Hulanda y Unilever ta laga Maduro un banda pa apoya Cuba

0
0
SHARE
- Advertisement -

Hulanda y Unilever ta laga Maduro un banda pa apoya CubaORANJESTAD (AAN):E bishita di Lilianna Ploumen, Minister di Comercio Exterior y Cooperacion pa Desaroyo di Hulanda, na Cuba ta marca un señal di e necesidad di e regimen di Raul Castro na e isla.

E mision comercial cu a compaña e Minister ta inclui representante di companianan grandi manera Philips, Unilever y Heineken, como tambe empresanan Caribense, di haf di Sint Maarten, aeropuerto di Corsou y Zona Franca di Aruba. Esaki a wordo publica den e website www.urgente24.com

Ta wordo señala riba e resentimento den e relacion entre Venezuela y Cuba, a causa di e problemanan di e regimen Venezolano cu e caida di prijs di petroleo. Esaki ta haci cu e Gobierno di Raul Castro ta haya su mes obliga di sigui avansa cu e plan pa habri porta y aumenta entrada di capital stranhero.

Diadomingo ultimo e Minister a yega Cuba encabesando un mision di 77 empresa pa un bishita oficial cu e meta di fortalece e relacionnan, segun e propio medionan oficial di e isla.

Ploumen y su comitivo, den cual tambe ta aparece Ministernan di Desaroyo Economicp di Corsou, Eugenene Rhuggenaath, y Minister Plenipotenciario di Aruba, ALfonso Boelhoudt, ta keda te awe, diaranson, riba e isla.

Ploumen a resulta cu “ta importante fortalece e lasonan cu Cuba” y ta kere cu Hulanda tabata semper socio economico “historico y fuerte” pa e isla Caribense.

“Conectando Cuba cu nos, enbes di aisla e isla, nos ta trahando pa siguridad regional,  e prosperidad y stabilidad. Esaki tambe ta di interes y na beneficio di e paisnan Caribense di Reinoi,” el a agrega.

E mision comercial grandi cu ta compaña e mandatario ta inclui representantenan di companianan grandi manera Philips, Unilever y Heineken, como tambe empresanan Caribense, di Sint Maarten, Corsou y Aruba.

E companianan ta relaciona cu areanan di recurso hidraulico, asuntonan maritimo, agricultura, produccion di alimento, salud, biotecnologia y energia renovabel.

“Mi ta spera cu e empresa y organisacionnan di Reino presente den e mision amplia y fortalece nan red di contacto den e dianan aki y cu nan por explora e oportunidadnan di negoshi y cooperacion” cu Cuba, e mandatario Hulandes a expresa.

Ya caba e compania Hulandes Unilever a ricibi autorizacion di Gobierno di Cuba pa instala un compania mixto asocia cu esun Cubano Intersuchel den Zona Special di Desaroyo di haf di Mariel (ZEDM) cu un inversion di riba 35 miyon dollar.

Ehecutivonan di Unilever y  Intersuchel a duna di conoce cu e compania nobo lo cuminsa producto na final di 2017 y cu lo pone riba mercado Cubano productonan di categoria personal y di cas, cu un linea di tienda cu tin presencia global manera Sedal, Lux, Rexona, Omo y Close-up.

Hulanda actualmente ta e di dos socio comercial mas importante di Cuba cu Europa, tras di Spaña, cu exportacionnan di 107 miyon euro (ekivalente na 116.8 miyon dollar) pa e isla y 120 miyon euro (131 miyon dollar) den importacionnan, di acuerdo cu datonan oficial di Hulanda.

- Advertisement -

DUNA COMENTARIO

Please enter your comment!
Please enter your name here