Home General Mas tanto gobierno lo preserva edificionan monumental cu tin caba

Mas tanto gobierno lo preserva edificionan monumental cu tin caba

2
0
SHARE
- Advertisement -

Mas tanto gobierno lo preserva edificionan monumental cu tin cabaORANJESTAD(AAN): Durante entrevista cu Ivoenne Webb Kock, el a splica cu ta bezig awor aki ta restaurando E Faro. Tambe otro proyecto cu AIB ta preparando. Esunnan cu ta na caminda, cu ta haci en colaboracion cu otro organizacionnan manera Stichting Monumenten Fonds.

Tin un laso estrecho cu nan, caminda cu ta guia nan proyecto tambe. Tin mas proyecto, pero e situacion financiero ta un tiki menos compara cu 2 aña pasa. Dos aña pasa tabata tin mas di 10 proyecto cu nan mester a guia. Pa 2016 esaki ta un tiki menos.

Lo bay pone mas enfasis na 2016 riba e proteccion y tambe riba e paseo monumental, cu ta e proyecto unda ta habri porta pa hendenan wak e edificionan di paden y esey ta algo cu monumentenbureau semper ta realisa esaki cu diferente partner. Tin cu wak ainda ken lo bay bira nan partner pa 2016 pa asina realisa e proyecto di Paseo Monumental na September e aña aki.

Web-Kock a splica cu e ta spera cu e personan cu tin nan edificionan mes, tambe acerca monumentenbureau, pasobra nan tin un experticio amplio den cas. Nan tin hopi ingeniero ta traha eynan cu por guia e doño pa e trabao worde haci corectamente y vigila tambe nan parti di construccion pa nan haya e calidad cu nan ta inverti den dje pa restaura e edificio.

Monumentenbureau tin biaha ta traha cu ministerio di infrastructura of minister di asuntonan general, ora cu ta un edificio cu ta cay bao di e minister concerni. Nan ta pone placa disponibel di su begroting pa realisa. Tin cierto proyectonan cu nan a haci cu FDA tambe, e ora ey ta proyectonan cu ta tarda un tiki mas pasobra tin cu traha full un projectdossier pa haya e placa disponibel pa realisa proyecto. Un di e proyectonan mas grandi cu a haci y cu a tarda hopi aña, ta cu EEG. A haci hopi proyecto cu Monumentenfonds. Nan a busca placa na diferente luga manera Hulanda. Actualmente Webb Kock sa pa tambe bay acerca Merca actualmente pa wak cu si for di eynan por haya asistencia pa parti financiero pa rescata nos monumentonan.

Actualmente Webb-Kock no ta kere cu gobierno lo bay cumpra edificio. Mas tanto nan ta preserva esunnan cu tin caba. Pero tin hopi edificio jong. Un monumento mester ta por lo menos 50 aña bieu pa ley pa e worde considera como candidato. Tin mas regla cu tin pa e edificio bira un monumento. A vigila varios di nan cu ta candidato pa bira monumento. Tambe Webb-Kock ta siguiendo vooral e obranan di nos arkitectonan jong di Aruba y tin basta posibilidad cu varios di nan den futuro, cu esey nan lo por bira candidato pa monumentonan den futuro.

Aruba tin monumentonan en general den Caribe hopi jong. Nos isla tambe ta hopi jong ainda. Si compara Republica Dominicana, ta un isla den Caribe cu tin e edificionan mas bieu. Nos historia ta data mas of menos un 200 aña di edad di edificionan monumental cu tin actualmente riba nos isla, Webb-Kock ta termina bisando.

 

- Advertisement -

DUNA COMENTARIO

Please enter your comment!
Please enter your name here