Home Politica Partidonan AVP y MEP mester custumbra cu PDR ta e tercer poder...

Partidonan AVP y MEP mester custumbra cu PDR ta e tercer poder riba su mes!

0
0
SHARE
- Advertisement -

Lider di PDR mr. Andin Bikker:

D
D

ORANJESTAD (AAN) – Diamars mainta, fraccion di Partido Democracia Real a tene su conferencia semanal di prensa. Su lider mr. Andin Bikker a habri e conferencia di prensa bisando cu e Partidonan AVP y MEP, mester cuminza custumbra cu Partido Democracia Real ta e tercer poder riba su mes.

“Mi ta bisa esaki pasobra constantemente mi mester tende cu ‘con nos ta vota’ of ‘keda sin vota’ y cu den cual skina nos ta para”, mr. Bikker a expresa, y a sigui bisa cu segun encuesta PDR ta e alternativa y ningun otro partido soña cu mester wordo lanta.

“Ta anos, consistentemente, den tres eleccion caba pueblo a duna nos sosten pa nos den Parlamento, y aworaki siguramente pueblo lo wak den nos direccion, pa ta e alternativa”, mr. Bikker a subraya.

El a señala cu PDR ta sobresali di e siguiente manera. Ora nan a bay Sint Maarten poco siman pasa MEP y AVP a bay solamente pa “geschilregeling”, esey ta nan bandera, mientras cu PDR a bin cu tres diferente proposicion cu ta e proyecto di Fast Ferry, baha gasto di rooming, y apelacion den caso di belasting.

E paralamentario a acentua cu di cuater tema cu delegacion di Aruba a presenta, tres a wordo lidera pa fraccion di Partido Democracia Real.

E lider di PDR a subraya cu hasta ora tin reunion den Parlamento, nan nivel ta wordo desaproba y incluso hasta a saca un cancion den carnaval tocante bullying y no ta PDR ta haci esaki pero MEP y AVP. E parlamentario a remarca cu PDR no ta cana bao sombra di ningun hende.

Lider di PDR a subraya cu mientras MEP y AVP ta pleita den Parlamento, na December PDR a bin cu un proposicion pa cambia e ordenanza parlamentario pa haci e reunionnan mas eficiente y efectivo di manera cu e publico haya gana di mira canal 46 atrobe.

Di su banda PDR ta teniendo cuenta cu remarcanan cu nan ta haya eyfo y ta biniendo cu un team alternativo cu nan ta reforzando. Manera ta conoci semper e partido aki ta bin cu 49 candidato. Nan lo bin cu caranan nobo hopi conoci den comunidad y lo duna mas oportunidad pa e miembronan bin mas den publicidad.

Aworaki, faltando un aña y mey pa eleccion y pueblo por ta sigur cu PDR lo tin e team cu pueblo por reconoce como alternativa cu ideanan nobo.

E parlamentario a agrega cu PDR ta e unico partido cu a bin cu un plan di rescate economico pa Aruba y a lidera e lucha pa reapertura di e refineria. Por fin gobierno a scucha y awor nan ta riba e caminda pa e bira realidad y e ta spera cu esaki sosode.

Lider di PDR a expresa cu nos situacion economico ta e problema primordial di Aruba, cual nos gobierno no a atende cune y a crea un debe gigantisimo. Parlamentario mr. Bikker a remarca cu den e presupuesto 2014-2016 por a constata cu e debe di interes of “debt service” a crece cu casi 30 miyon florin, den apenas un aña y mey.

Loke ta separa MEP y AVP di PDR ta cu PDR tin un plan di rescate economico y e ta un partido positivo cu no ta sinta critica y busca “ken, kico” bay riba persona su bida personal, etc.’

Nan semper ta bin cu un solucion sea via amienda, concepto di ley, etc., y nan plan di rescate. “Pueblo, no duda. Nos ta e alternativa”, mr. Bikker a subraya. Bikker a pidi pueblo pa no tin duda cu Partido Democracia Real ta e alternativa.

 

 

- Advertisement -

DUNA COMENTARIO

Please enter your comment!
Please enter your name here