Home General Tratamento di presupuesto eficiente y al caso

Tratamento di presupuesto eficiente y al caso

0
0
SHARE
- Advertisement -

Segun Partido AVP

ORANJESTAD (AAN): “Nos ta haya cu den e forma cu ta trata e presupuesto mester tene cuenta cu diferente punto esencial. Cada fraccion mester haya suficiente tempo pa prepara nan mes prome cu e reunionnan cuminsa. Cada fraccion mester haya tur informacion necesario pa evalua den forma critico y completo e presupuesto.

E tempo cu cada fraccion ta haya mester ta representativo pa e cantidad di asiento den parlamento. E forma cu den pasado e trata e presupuesto no semper a sigura cu e tratamento debido y corecto. Tanto e preparacion prome cu e reunionnan publico, como e tratamento den reunionnan publico, ta importante. E aña aki nos a haya e presupuesto mas cu un luna prome.

A reuni cu e minister di finansa pa haya mas informacion riba cifranan. Tur fraccion a haya suficiente tempo y informacion pa un bon preparacion.” Esaki tabata un parti di e contesta di e lider di e fraccion di AVP cu ta den preparacion intensivo pa tratamento di e presupuesto 2016.

TEMPO:

Den e proposicion pa reparticion di tempo e aña aki e fraccion di MEP lo haya entre cinco pa shete ora pa papia y trata henter e presupuesto. E fraccion di AVP cu tin cinco miembro mas, lo tin 9 pa 12 ora pa papia riba henter e presupuesto. A puntra e lider di fraccion di AVP si esey ta suficiente.”E tempo ta suficiente si bo keda al caso y no desvia pa papia riba cosnan cu no ta trata e presupuesto. Si bo a studia e presupuesto, lesa tur e documentonan y prepara bon, e tempo ta suficiente. Pa esun cu tin otro intencion nunca e tempo lo ta suficiente.”

- Advertisement -

DUNA COMENTARIO

Please enter your comment!
Please enter your name here