Home General A suspende empleadonan di Post Aruba N.V. y Duanero pa fraude

A suspende empleadonan di Post Aruba N.V. y Duanero pa fraude

21
0
SHARE
- Advertisement -

A suspende empleadonan di Post Aruba N.V. y Duanero pa fraudeORANJESTAD(AAN): Na Post Aruba N.V. a suspende no menos di 3 empleado cu tabata saca paki di clientenan sin cu nan ta paga pa esaki.

Den e proceso e trahadonan ta haya ayudo di un Duanero, cu tambe ta suspendi pa e mesun acto fraudulento aki. Parce cu a suspende e empleadonan pa 10 dia pa un investigacion interno.

Fuentenan den Post Aruba N.V. ta indica cu un grupo di trahado ta saca carga al estilo “krediet” pa nan amigonan cu un promesa cu lo pasa paga despues. Nan ta sconde e recibo den cashi y como tal no ta pas’e pa e departamento di administracion cu no ta na altura si e cliente a paga pa saca e pakinan of no. Riba dje, Douane ta coopera cu e empleadonan aki pasobra ta firma pa nan saca e carganan sin problema.

Ta trata aki specialmente di e departamento di E-Post unda ta bestel productonan via internet na un adres specifico na Merca, cu ta mande na un prijs economico pa clientenan di Aruba. E cantidad di pakinan a subi drasticamente pero Post no ta ripara mucho aumento den nan entradanan. Di eynan a start un investigacion cu a conduci cu a topa cu un cantidad di recibonan scondi den cashi, sea cu e hendenan a paga e trahadonan y nan no a procesa e pagonan den e sistema of cu nan a tuma e pakinan y a keda sin paga.

Post Aruba N.V mes no a duna ningun informacion ainda riba e caso delicado aki, cu ta encera un grupo combina entre trahadonan di Post Aruba N.V. y Cuerpo di Aduana den un fraude pa sea cumbini nan propio saco of pa facilita amigonan cu ta busca carga sin paga Post y tampoco paga impuesto.

- Advertisement -

DUNA COMENTARIO

Please enter your comment!
Please enter your name here