Home Politica Analisis politico

Analisis politico

0
0
SHARE
- Advertisement -

Panorama politico

E panorama politico na Aruba ta mustra un partido cu tabata grandi un tempo cayendo dramaticamente bao dirigencia di Evelyn Wever Croes y ta parce cu lo no tin cambio. Nos ministro presidente Mike Eman a haci algun remarke durante e ultimo reunion di Staten cu tabata hopi significativo. El a haci un yamada ariba Evelyn pa cambia su actuacion drasticamente.

El a enfatisa cu e manera cu Evelyn ta ocupa su responsabilidad ta na desventaha di henter nos comunidad pasobra oposicion den un pais democratico tin un responsabilidad grandi door di ta un vigilancia pa proteha e comunidad.

Mike a pone hopi peso ariba function di oposicion y a constata cu loke Evelyn ta haci tur dia ta hiba un maneho basa completamente riba mentiranan baho y no ta bin nunca cu ideanan, sugerencianan positivo cu lo yuda mehora bida di nos hendenan.

Evelyn Wever Croes ta lider di e partido di oposicion mas grandi y door di esey e tin un responsabilidad serio pa nos isla. Y esey ta loke Mike a purba di mustra Evelyn. No ta nada cu Evelyn ta keda bin cu mentiranan y critica bashi pero banda di esaki lo ta bon pa su partido y pa nos isla pa e lider di MEP cumpli cu e responsabilidad di oposicion cu e tin.

Poco dia pasa henter nos pueblo por a mira con Nel Oduber a drenta den e arena politico un rato pa yuda Evelyn pone su partido ariba e curso bon atrobe. Loke Nel a mira cu a resta di e partido cu el a lidera pa tanto aña e a spanta y core bay sconde leu. Evelyn Wever Croes ta keda cana na man di su tata y parti grandi di MEP no ta di acuerdo cu esaki pasobra nan mas cu cualkier sa pakico Hendrik Croes ta den MEP. Solamente pa interes financiero propio.

Den e hendenan aki tin varios miembro cu ta keda cu e speransa cu Evelyn ta yega na e conclusion cu e no ta e persona cu lo salba MEP. E lider di partido tin un responsabilidad grandi pa loke ta e direccion di partido. E ta e politico cu mester percura pa henter nos comunidad tin un bista ariba unda e partido kier bay pa por huzga si ta sostene e partido, E partido di mas grandi di oposicion tin e obligacion pa mustra e comunidad kico su alternativanan pa si mañan nan worde poni den gobierno.

Un partido serio di oposicion mester tin e gobierno ta cana ariba su dedenan di pia pa ta dilanti di oposicion. Di Evelyn nos ta mira nada di un contribucion na nos isla, solamente negativo cu mentiranan na cantidad y no ta lanta ningun speransa cerca e pueblo cu tin un alternativa banda di e partido den gobierno. Logico ta cu e lider ta mustra e rumbo di partido loke no ta sosode den MEP.

E ora mester wak si den e temponan aki tin otro den MEP cu por haci e trabao cu Evelyn mester haci y aparentemente ta yega na e conclusion cu den henter e partido no tin otro. E candidato number dos hasta a laga su extension card for di Colombia muri. Tin un señora cu grita manera alma malo sin cu tin hende ta haci caso di dje. E unico miembro di Staten cu ta trata di saca MEP for di e spiral negativo ta Glenbert Croes cu tur dia ta den publicidad cu su trabao na Venezuela habriendo nos refineria.

No tin hopi hende ta kere e storia di Glenbert pero en todo caso e ta purba di carga algo positivo pa nos comunidad. Evelyn Wever Croes ta cabando cu e partido di su omo difunto Betico Croes. Mike a purba di hala atencion di Evelyn pero esaki no ta parce di ta yuda pa bin cu cambio na interes di MEP y nos isla.

 

- Advertisement -

DUNA COMENTARIO

Please enter your comment!
Please enter your name here