Home Hudicial Caso penal contra homber cu a los tiro riba dos persona

Caso penal contra homber cu a los tiro riba dos persona

0
0
SHARE
- Advertisement -

ORANJESTAD  (AAN) – Mayan mainta Corte den Promer Instancia lo trata e caso penal cu Ministerio Publico a cuminsa contra e homber I.K.

Na December 2015 e caso a bin dilanti pro forma. Fiscal a informa Hues na December 2015 cu ainda e procesverbaal di Polis no ta cla y a propone pa e tratamento tuma lugar mayan mainta 26 di Februari 2016.

E acusacion cu Fiscal lo presenta mayan mainta contra I.K. ta cu riba 4 Augustus 2015 el a purba mata dos persona door di tira riba nan. Fiscal ta considera esaki, intento di asesinato.

Subsidiario, Fiscal ta acusa I.K. di riba 4 Augustus 2015, kier a causa daño severo riba e dos personanan aki.

Ademas Fiscal ta acusa I.K. pa posesion ilegal di arma di candela. Parce cu lo tin mas hende envolvi den e caso aki y Fiscal a bisa Hues cu no a tuma decision ainda si lo bay persigui e otronan cu ta wordo sospecha pa violencia publico.

Manera DIARIO a publica recientemente, Ministerio Publico a anuncia cu a aumenta castigo pa posesion di arma di candela. E tabata 12 luna di prison pero awor el a bira 15 luna di prison. E hecho cu e sospechoso I.K. ta wordo acusa di intento di asesinato riba dos persona, ta haci e caso aki mucho mas serio y lo ta interesante pa scucha kico Fiscal ta pensa di henter e caso aki.

Asina cu un persona usa un arma di candela contra un otro persona, esaki ta wordo considera intento di asesinato y Ministerio Publico ta baha cu man duro riba e delito aki pasobra esaki ta causando hopi inseguridad den comunidad.

Mayan lo haya sa kico tur ta sosode den sala di Corte y DIARIO lo informa lectornan.

 

- Advertisement -

DUNA COMENTARIO

Please enter your comment!
Please enter your name here