Home General Lo bende edificionan di Gobierno pa cual a traha edificionan nobo

Lo bende edificionan di Gobierno pa cual a traha edificionan nobo

0
0
SHARE
- Advertisement -

Minister Benny Sievinger:

Lo bende edificionan di Gobierno pa cual a traha edificionan noboORANJESTAD (AAN) : Minister di Infrastructura, Benny Sievinger, a confirma cu dentro di e maneho di Gobierno, lo bay over na bende varios edificio di Gobierno.

E mandatario a mustra cu contrario na loke a tuma luga cu maneho di e gobierno anterior te cu 2009, caminda a bandona edificionan di Gobierno y bay over na huur edificionan di amigo- y famianan sin busca un alternativa adecuado pa soluciona e problema aki.

“Ora cu nos a drenta den gobierno, nos a mira diferente edificio di gobierno cu a wordo bandona manera bestuurskantoor, ex belastingkantoor cu awor DIMAS ta den dje, diferente otro edificio cu a wordo bandona pa e gobierno anterior y a bay over na huur edificionan, principalmente edificionan di e famianan di e tempo ey.

Ora cu nos a drenta gobierno nos a bin cu e maneho pa bay over na drecha nos edificionan y asina Gobierno por haci uzo di su propio edificionan. Sinembargo nos tin edificionan nobo cu a wordo traha cu e ora ey edificionan di gobierno existente cu no ta cumpli cu e standard di duna un servicio, por ehempel un MFA na Noord cu ta un edificion multifuncional cu tin eyden den servicio di gobierno pa loke ta trata bevolking, DIMAS y diferente instancia di Gobierno dunando servicio eyden, e ora nos tin un edificio di hulpbestuurskantoor cu no ta sirbi e proposito di duna e servicio ey y e ora e ta bira un edificio cu nos por bende.

Bo tin ex domeinbeheer cu nos tin un edificio nobo di infrastructura cu ta pone cu nos por bende e edificio ey tambe, douanekantoor caminda nos ta bay traha un edificio nobo pa duane na Barcadera pasobra waf a muda pa eynan y e edificio principal di duane ta bay Barcadera y e ora por bende e edificio di duane.

Pues tin diferente edificio di Gobierno cu ta bashi y lo bira bashi cu nos tin cu bende pa motibo cu nos a construi otronan na sitionan mas miho pa duna miho servicio y den e cuadro ey nos tin henter un comision cu ta mira y evalua esaki y e edificionan di Gobierno cu nos no por haci uzo di dje mas, nos lo bende esakinan pasobra nos a traha otronan nobo.

Ya caba tin interes pa e edificio di duane y aworaki e comision hunto cu notario ta trahando riba esakinan y mi tin cu bisa cu esakinan lo bay Sali den medionan di comunicacion y ta pa medio di un destaho publico nan lo wordo bendi y pa cual tin hopi interes ya cu e ta den un area comercial hopi importante,” Minister Benny Sievinger a mustra.

 

- Advertisement -

DUNA COMENTARIO

Please enter your comment!
Please enter your name here