Archivo di March, 2016

Caricatura

Publication: Thursday, 31 March 2016. Categoria: General

car

Un soño a bira realidad: Barcadera Multi-Cargo Sea Terminal

Publication: Thursday, 31 March 2016. Categoria: General

ORANJESTAD   (AAN):  Ayeratardi a tuma lugar e apertura oficial di e waf di Barcadera cu awor lo yama “The Barcadera Multi-Cargo Sea Terminal.”

Riba e potret por mira d.r.p.d Ministro Plenipotenciario Sr. Alfonso Boekhoudt, Ministro di Economia Sr. Mike de Meza, Presidente di hunta di directiva di APA Sr. Luis Posner, director di ASTEC Sr. Mike de L’Isle, Promer Ministro Mike Eman y director di Aruba Ports Authority Sr. Jossy Figaroa.

Accidente pisa riba caminda di Hooiberg a cobra bida di un persona

Publication: Thursday, 31 March 2016. Categoria: Policial

ORANJESTAD (AAN): Diaranson den oranan di 12:55’or di marduga riba e caminda principal di Hooiberg pa Santa Cruz, a keda registra un accidente hopi serio, y asina cu e yamadanan a cuminza drenta uno tras di otro, di biaha unidadnan policial y di ambulance a presenta na e lugar.

E accident aki a socede net den e area di birada di Hooiberg, banda di Maiky’s Restaurant.

Waf di Barcadera inaugura

Publication: Thursday, 31 March 2016. Categoria: General

ORANJESTAD    (AAN): For di 5’or di atardi invitadonan a yega na waf di Barcadera, e waf di container nobo, cu a keda oficialmente inaugura. Ministernan Bermudez, de Meza, Boekhoudt y Prome Minister Eman tabata presente, mescos cu varios miembro di Parlamento. E ocasion tabata hopi special, sigur si tene cuenta cu esaki ta un proyecto inmenso cu a keda finalisa.

Entrante prome di juli implementacion di tur e reglanan pa nos beachnan ta na vigor

Publication: Thursday, 31 March 2016. Categoria: General

Minister Otmar Oduber

ORANJESTAD    (AAN):  E dedicacion pa haci posibel e reglamentacion di nos beachnan a tuma entre 3 pa 4 aña. E proceso pa esaki no tabata facil, pero tampoco imposibel.

Minister di Turismo, Transporte, Sector Primario y Cultura Sr. Otmar Oduber a inicia e proceso aki hunto cu colega Minister Benny Sevinger di infrastructura y cu tur e consehonan huridico cu a ricibi a logra pa na momento cu combersacionnan a tuma luga cu tur e partidonan envolvi lo haya e informacion debido.

Muher a bay bishita un preso na KIA pero nan a gare cu droga

Publication: Thursday, 31 March 2016. Categoria: Policial

ORANJESTAD (AAN): Diamars atardi un bishitante femenino kier a purba di suerte door di pasa droga den KIA.

   Pero e control na entrada di KIA ta asina estricto cu bo ta keda gara basta lihe mes. Asina personal di CEA na KIA a gara e dama cu e droga y a notifica autoridad.

Otro siman ta firma un tratado cu Merca riba “Transportation Security Agent”

Publication: Thursday, 31 March 2016. Categoria: General

Aruba despues di casi 2 aña di negociacion

ORANJESTAD    (AAN):  Aruba despues di negociacionnan pa casi 2 aña ta cla pa concretisa acuerdo firmando un tratado cu Merca riba Transportation Security Agent, e asina yama TSA. Minister Otmar Oduber a keda apunta pa den nomber di Reino Hulandes firma na Washington, e acuerdo importante aki.

Manera ta conoci durante ultimo añanan aki Directie Scheepvaart como Aeropuerto tabata den contacto continuo pa sigura cu nos ta cumpli cabalmente cu aspectonan di siguridad pa tanto nos wafnan como tambe nos aeropuerto.

A bolbe pospone caso di atraco cu violencia riba turista

Publication: Thursday, 31 March 2016. Categoria: Judicial

Door cu Fiscal no por a haya un di e victimanan

ORANJESTAD (AAN): E homber J.A. no a gusta ora el a tende Hues bisa cu mester bolbe pospone e caso.

   J.A. tabata kier pa e caso worde trata pa asina e sa con e ta para y pa prepara pa e bay den exterior cerca su ruman muher.

   Fiscal acusa J.A. cu dia 11 Juli 2015 hunto cu otronan of su so, a haci un atraco cu violencia riba e dama D. y force duna pertenencianan. Tambe e ta worde acusa di a haci un otro atraco riba un homber.

AZV ta parce di ta interesa solamente den placa placa placa….

Publication: Thursday, 31 March 2016. Categoria: General

Pacientnan awor si ta convenci…

ORANJESTAD (AAN): Algo cu kizas hopi hende no a tuma nota di dje, ta e hecho cu pueblo di Aruba, den un di e poco biahanan, a dicidi na lanta nan voz y protesta contra e maneho di cuido di pacientnan di AZV.

   Siman pasa, pueblo por a mira cu pacientnan di Dr. Rivera a tene accion di protesta.  Claro cu esaki ta algo di aplaudi.  No ta hopi biaha, cu na Aruba por wordo observa, con pacientnan ta subi caya pa asina demanda y exigi pa AZV mehora servicio di cuido medico.

Na Japon a pasa un ley pa prohibi obesidad!

Publication: Thursday, 31 March 2016. Categoria: General

Algo bon pa AZV?

ORANJESTAD (AAN) – Aunke e por parce un idea no realizable y risible, den un mundo unda tin 500 miyon hende obeso, un pais a bin cu un ley pa prohibi obesidad: Japon!

E Asamblea Legislativa di Japon nan a pasa un ley, conoci como “metabo law”  di 2008.

Japon no ta un pais cu ta wordo asocia normalmente cu obesidad. The hecho, estadistica ta mustra cu den e pais aki solamente 3 porciento di e poblacion ta obeso. Japon ta un di e ultimo paisnan na desaroya obesidad.

Falta solamente algun dia mas pa Servicio di Impuesto cuminsa duna servicio na MFA Noord

Publication: Thursday, 31 March 2016. Categoria: General

ORANJESTAD   (AAN)  – Desde cu MFA Noord a habri su portanan oficial den luna di november ultimo, tur dia tin por lo menos un dozijn di persona ta puntra si por paga belasting eynan of ki dia e oficina di Departamento di Impuesto ta habri.

Afortunadamente por bisa cu a yega na e punto cu ta cla pa MFA Noord brinda un di e servicionan di mas importante y pidi. Vocero di Departamento di Impuesto, Meverly Romano a confirma cu den prome simannan di april, e bali di Departamento di Impuesto, ubica den e di dos piso di edificio Orua-Noord, ta habri pa publico.

Un festival cu a demostra di percura pa un promocion incomparabel pa nos isla

Publication: Thursday, 31 March 2016. Categoria: General

Aruba Summer Music Festival den su di dos edicion

Un festival cu a demostra di percura pa un promocion incomparabel pa nos islaORANJESTAD (AAN): Aruba Summer Music Festival 2015 a demostra di tabata un exito rotundo y awor ta cla pa e di dos edicion. Durante un rueda di prensa diamars anochi Minister Otmar Oduber tabata presente y a hiba palabra elogiando e organizadonan pa nan contribucion pa locual ta e cantidad grandi di turista cu a biaha pa Aruba specificamente pa atende e festival aki aña pasa.

   E mandatario ta indica cu Gobierno di Aruba y como tambe Oficina di Turismo ta evalua cada un evento, cada aña di nobo, apesar cu por tin contractnan di varios aña envolvi.

Homber a yega cas anochi y haya su partner cu otro amigo

Publication: Thursday, 31 March 2016. Categoria: Judicial

Caso trata den Corte

ORANJESTAD – Corte den Promer Instancia a trata e caso penal cu Ministerio Publico a cuminsa contra e homber H., kende ta worde acusa cu riba 31 Januari 2014 a maltrata su ex partner dama y e homber T. cu tabata hunto cu e dama. Tambe e ta worde acusa cu riba e mesun fecha, el a horta e cellular di e dama y destrui auto di e dama.

    Hues a mustra cu e dama W. tabata ex partner di H. Nan tabatin 16 aña di relacion y na September 2013 e relacion a caba.

Cu cobardia y tira palabra bo no ta soluciona problema di Aura Casino!

Publication: Thursday, 31 March 2016. Categoria: Politica

Gerick Croes di MEP

Cu cobardia y tira palabra bo no ta soluciona problema di Aura Casino!ORANJESTAD (AAN): E ta incomprendibel e manera con Minister di Labor y Parlamento ta trata trahadornan di Aura Casino.

Nos di oposicion tin un trajectoria cu semper a para banda di e clase trahador y den caso specifico di Aura Casino nos tin contact y ta pesey mes fraccion di MEP a pidi reunion publico pa trata e caso aki.

Sigur nos ta lamenta cu mediador ta bay asina leu pa hustifica un negociacion asina mediocre cu tanto e y Minister Paul Croes supuestamente ta tratando di hinca den otro pa 4 luna caba.

Trahadornan di Hilton a demostra nan malcontento

Publication: Thursday, 31 March 2016. Categoria: General

ORANJESTAD (AAN): Riba Diaranzon, e trahadornan di Hilton Aruba Hotel a dicidi cu nan no ta acepta e proposicion pa cu e CAO nobo, y pa demostra na nmalcontento, a dicidi na tene un walkout.

   E trahadornan aki cu ta laborando di hopi aña caba, cu nan experciencia y conocemento di turismo en general, no a acepta e proposicion.  Nan no ta kere cu nan merece di haya un CAO asina.

   Asina pues nan a pone trabao abao.  Secretario General di Sindicato FTA, Rudy Geerman, a splica cu a dura un tiki, pero porfin e empleadonan a dicidi na lanta para pa nan derecho.