Home Policial Candela grandi diasabra mainta na Riu Palace

Candela grandi diasabra mainta na Riu Palace

1
0
SHARE
- Advertisement -

ORANJESTAD   (AAN):   Diasabra den careda di 9 or mainta alarma di candela a activa na Riu palace Hotel y trahadornan a tuma nota cu tin candela den e boilerroom cu ta e parti abou unda tin mashinnan grandi. Esaki ta e seccion pega cu parti di laundry.

Huma preto tabata sali for di e parti aki y ta unda cu tin diesel pa e mashinnan grandi traha. E trahadornan mes a drenta accionn pa logra domina un parti pero debi cu tin diesel e candela a bira basta grandi y a hayanan ta evacua nan mes pa nan siguridad.

Unidadnan di bombero a yega basta lihe na e sitio pa drenta accion y domina e candela grandi aki. Polisnan tambe a presenta pa cera e area y asina evacua tur e trahadonan y turista. Tres a bira malo door di e candela y a keda atendi pa personal di ambulancenan cu tabata na e sitio.

Un rato a kita coriente di e hotel y tabatin un persona a keda pega den lift y di biaha personalnan di Riu parti tecnico a drenta accion pa habri e lift. Despues cu bombero a termina cu nan trabou e ora ey e parti investigativo a cuminsa pa determina con e candela aki a cuminsa.

E turistanan a keda manda pa Riu Antillas caminda e tratamento a tuma luga unda bus y taxinan a buscanan pa hibanan otro hotel, debi cu e hotel no tin coriente mas y ni trahadornan no por drenta paden.

Tabatin un rato ora a pone coriente bek candela a bolbe start y ta indica cu un cos a kima otro y causa mas fayo den e sistema di e boilerrooom aki. DOW tambe a presenta pa asina chica tur e awa mescla cu diesel cu tabatin banda di caminda cu tabata un peliger.

E trabou investigativo a start atardi pa wak kico por ta e causa. Por tuma nota cu trabounan lo bay dura por lo menos 1 siman pa drecha tur cos y e parti di coriente pa asina start e hotel bek.

Mientrastanto, e huespednan a keda hospeda na entre otro Riu Antilla, Hilton, entre otro.

- Advertisement -

DUNA COMENTARIO

Please enter your comment!
Please enter your name here