Home Hudicial Corte Superior a pospone apelacion di lider di grupo cu a abusa...

Corte Superior a pospone apelacion di lider di grupo cu a abusa di mucha muher

4
0
SHARE
- Advertisement -

ORANJESTAD – E caso den apelacion di e homber M. contra su condena di 3 aña di prison, no a sigui.

Ta asina cu e abogado mr. Illes a pidi Hof pa pospone e caso pasobra e no a haya suficiente tempo pa prepara e caso debidamente.

Manera DIARIO a publica, ayera mainta Corte den Promer Instancia a dicta sentencia den e caso penal cu Ministerio Publico a cuminsa contra e homber M.(47). Fiscal a haya M. culpable y a exigi 3 aña y 6 luna di prison. Siman pasa tratamento di e caso a tuma lugar y Hues a palabra cu e siman aki ya tin sentencia.

CULPABEL DI ABUSO

Na December 2015, Hues di Corte den Promer Instancia a dicta sentencia. Hues a bisa cu e ta haya legalmente proba cu M., cu siendo un ambtenaar na Orthopedagogisch Centrum (OC) tabatin relacion sexual cu mucha muher cu tabata keda den OC. Esaki a sosode entre 1 Januari 2013 te cu Juni 2014, caminda M. tabata un lider di grupo y tabata atende cu e mucha muher aki tambe.

Na opinion di Hues, no tin motibo pa e duda den declaracion di e mucha muher. Hues ta haya cu e declaracion di e mucha muher ta wordo sosteni door di diferente testigo, entre otro e yiu homber di M. mes. Ademas Hues a mustra cu M. mes a admiti di a hiba e mucha su cas dilanti Hues Comisario.

CASTIGO

Pa cu e castigo, Hues a bisa cu e ta tene cuenta cu aki ta trata di un hecho hopi serio. Hues a bisa cu e muchanan cu ta bay OC, ta muchanan cu problema serio na cas. E intencion ta cu na OC lo guia e muchanan y no abusa di nan.

Hues ta haya cu M. a abusa di e confianza cu e mucha a pone den dje. Tambe Hues ta haya cu M. a tene cuenta cu su deseo sexual y no cu e mucha cu tabatin mester di atencion.

Hues a condena M. na 3 aña di prison, kitando e tempo cu M. ta sera den KIA. Por a mira cu M. a keda asombra cu e castigo. Ademas Hues a bisa cu e ta aproba e demanda 3600 florin.

Hues a sigui bisa cu e no ta aplica e medida penal hunto cu e demanda pasobra e tempo ey ainda e ley aki no a keda introduci.

For di e momento ey caba e abogado mr. Illes a laga sa cu e ta apela e caso. Awor dentro di algun luna por spera tratamento di e caso aki den Corte Superior.

- Advertisement -

DUNA COMENTARIO

Please enter your comment!
Please enter your name here