Home Hudicial Diesocho luna di prison pa homber envolvi den deal di 4 kilo...

Diesocho luna di prison pa homber envolvi den deal di 4 kilo di cocaina

0
0
SHARE
- Advertisement -

ORANJESTAD (AAN): Mientras cu e otronan envolvi, nan sentencia a cay un siman promer, Corte den Promer Instancia a dicta sentencia den e caso penal contra e homber Colombiano J.G.

E caso aki ta relacion cu bendemento di droga, caminda J.G. tabata den auto cu C.P.M., kende a bay na cas di R.N. pa entrega 4 kilo di cocaina.

Polis tabata vigila tur e movecionnan y despues cu e deal a keda complete y a mobilisa y detene tur hende. A haya C.P.M. cu 21180 dollar, cual C.M. a cumpra for di dje pa 22 mil dollar. C.M. a wordo haya cu e 4 kilo.

R.N. a wordo haya cu 920 dollar cual Fiscal ta sospecha ta e comision cu R.N. pa intermedia den e deal.

Tabatin tapmento di telefoon riba 25 Mei 2015 caminda a scucha combersacionnan di cumpramento di droga. R.N. tabata papia cu C.P.M. pa cumpra di calidad. R.N. tabata interesa den 7 kilo. El a bisa pa bin promer cu 1 kilo pa e clientenan check y despues lo busca mas. C.P.M. a bisa cu ta solamente 4 tin y R.N. a bisa pa bin cu tur. R.N. a notifica C.M. kende a presenta cu otro dos persona y a cumpra e 4 kilo. J.G. tabata hunto cu C.P.M. den auto.

SENTENCIA

Hues a bisa cu e ta haya legalmente proba cu J.G. intencionalmente a entrega y transporta cocaine. Hunto cu C.P.M. e tabatin 4 kilo di cocaine.

Hues a mustra cu cocaina ta malo pa salud di hende y tambe cu cocaina ta causa criminalidad. Hues a tuma J.G. na malo cu el a yuda den esaki. Hues a bisa cu e ta tene cuenta cu ta promer biaha cu J.G. ta cay sera pa asunto di droga. El a condena J.G. na 18 luna di prison kitando e tempo cu e ta sera den KIA.

 

- Advertisement -

DUNA COMENTARIO

Please enter your comment!
Please enter your name here