Home General Director di CEDEHM riba Dia Internacional di Hende Muhe

Director di CEDEHM riba Dia Internacional di Hende Muhe

2
0
SHARE
- Advertisement -

Sandra Brown: “Be real. Be yourself”

MDirector di CEDEHM riba Dia Internacional di Hende MuheORANJESTAD   (AAN): E Women’s Day Conference, celebra diaranzon anochi tabata un exito rotundo. Den un formato un poco diferente cu añanan anterior, pero sigur ainda mesun popular y bon atendi, a presenta e storianan y experiencianan di diferente hende muhe cu ta sirbi como inspiracion y motivacion pa otro hende muhenan.

E orador invita pa 2015 tabata Crystal Andrus Morissette, kende a bolbe Aruba cu hopi placer y un biaha mas a logra encurasha esunnan presente pa ta e miho cu nan por ta y pa logra tur loke nan ta desea di logra den na bida.

Sandra Brown, kende ta director di Centro pa Desaroyo di Hende Muhe (CEDEHM), a comenta cu e tabata un conferencia sublime, unda cu hende muhenan a topa otro y comparti cu otro, scucha e storianan di otro y inspira otro. Ademas esunnan presente a haya un update di tur e trabaonan cu CEDEHM ta haci den comunidad riba e nivel individual, como tambe pa comunidad en general.

Brown a expresa cu el a goza tambe di  charla di Minister di Enseñansa y Asuntonan di Famia Michelle Hooyboer-Winklaar. El a bisa cu loke a keda cun’e ta e mensahe di e mandatario pa confronta e berguensa, e emocionnan di confusion y papia di nan pa asina no sinti berguensa ni sinti malo, pero ta determina y desaroya cu e forsa necesario pa “overcome” tur reto.

E director di CEDEHM a bisa cu e sesion cu Crystal Andrus tabata fabuloso cu un mensahe cu ta aplica na su persona, esta pa ta e miho cu bo por ta y “no hunga rol”. Sandra Brown a agrega cu esey hustamente ta su forma di biba y anda cu otro hende: “no hunga rol”, esta di ta no fresco, pero directo y bisa e cosnan cu ta.

Nos como hende mester siña deal cu otro y “be real”, Sandra Brown a subraya, añadiendo cu  “just be real” ta un di mottonan y e ta uz’e tur dia, motivando hende pa “Ta bo mes!”

 

 

 

- Advertisement -

DUNA COMENTARIO

Please enter your comment!
Please enter your name here