Home Editorial Editorial: PAKICO CU 65 AÑA?

Editorial: PAKICO CU 65 AÑA?

4
0
SHARE
- Advertisement -

jossy_mansur_pic                Awor tin un Ley o areglo cu ora un trahador yega 65 aña di edad e mester retira pa Gobierno yena su lugar cu un of otro hoben. Pa mi e no tin ningun sentido. Bo no por benta afor tanto aña di servicio, di experiencia, di aprendizahe y di conocimento djis pa rehuvenece un parti di bo personal.

                Den e caso di e docternan e ta peor ainda pasobra tur loke e docter a acumula durante tanto tempo, y cu ta permitie un mihor diagnostico, no por ser subsitui pa un hoben recien gradua o cu poco aña di practica. Pa mi, aki Gobierno ta pensando robez. E cuestion di ‘envehecimento y su substitucion’ no tin ningun estudio cientifico pa respalde. E ta djis un idea, o pa haya mas voto, o conta cu mas respaldo politico incondicional di esnan faboreci cu un puesto. Ta dos posibilidad, pero tin mas.

               Mi ta haya cu un homber o muher cu a yega 65 aña na trabao ta completo ainda, y por rindi hopi mas. Esnan cu mi conoce, por lo menos, ta den bon estado di salud, tin e energia intacto pa traha y ta stima nan trabao. Pakico substitui nan si ainda nan por aporta, y awor mas cu nunca, na e ehecucion di un trabao mas completo, mas eficiente, mas adecuado.

             Mi no sa si el a bira un norma universal o ta cierto paisnan so tine y ta implemente. Lo logico ta establece un grupo di experto cu por evalua cada un di e personanan ey pa mira si nan ta aporta ainda y ta sigui funcional den nan trabao. E ta, por lo menos, un manera husto di evalua e persona prome cu pase pa retiro.

               Ta dificil pronostica si e idea ey ta bay tin un validez sano riba nos isla, o si mester complemente cu un of otro sorto di evaluacion prome cu tuma e decision final cu cualke trahador cu yega e edad ey.

                Mi ta sigur cu den e diversidad cu ta existi entre hendenan, no ta tur persona tin e mesun cualidadnan ora nan yega e edad specifica. Pesey un evaluacion ta necesario, pa yega na decisionnan husto y no perhudica esnan cu tin e boluntad pa sigui traha y ta den condicion fisico y mental pa hacie.

              Un cos ta sigur: e solo hecho di yega cierto edad no ta un indicacion cu un substitucion ta na su lugar. Ta necesario tuma den consideracion e estado fisico y mental di cada persona pa haci un aplicacion husto di e Ley o areglo ey.

- Advertisement -
SHARE
Previous articleCaricatura
Next articleDeporte

DUNA COMENTARIO

Please enter your comment!
Please enter your name here