Home General Orario di operacion di tiendanan segun ley y indicacion pa prijs di...

Orario di operacion di tiendanan segun ley y indicacion pa prijs di producto

3
0
SHARE
- Advertisement -

ORANJESTAD (AAN) – Departamento di Asuntonan Economico, Comercio y Industria (DAECI) ta informa cu segun e “Landsverordening Winkelsluiting” un tienda ta prohibi pa ta habri pa publico riba diadomingo /dianan di fiesta y dialuna pa diasabra prome cu 6’or di mainta y despues di 6.30 di anochi.

   Den e cuadro di e maneho di gobierno pa stimula inversion y actividadnan economico e tiendanan lo por bin na remarca pa dispensacion pa habri tambe riba diadomingo/dianan di fiesta di 9’or di mainta te cu 10’ or di anochi y di dialuna te cu diasabra di 6.30 di anochi pa 12 or di anochi.

   Pa haya un dispensacion di e prohibicion pa keda habri mas laat y/of riba diadomingo y dianan di fiesta, mester entrega un peticion por escrito dirigi na DAECI, acompaña pa un zegel di Afl.8 y uno di Afl.4,-.

   Riba “Dia di Labor” no ta duna dispensacion pa un tienda habri pa publico, pues riba e dia aki e tiendanan mester ta cera conforme e “Landsverordening winkelsluiting”.

Tur esaki no ta conta pa tiendanan cu ta situa den hotel cu tin hotelvergunning, pa cual e “Landsverordening winkelsluiting” no ta aplicabel.

   Tambe DAECI ta informa cu a base di e “regeling prijsaanduising goederen en diensten” tur negoshi ta obliga pa tin indicacion di prijs pa producto of servicio cu ta na benta y cu esaki mester ta claramente visibel y lesabel. Indicacion di prijs tambe por wordo poni pa un stapel of grupo di e mesun articulonan.

   E prijs mester ta indica den valuta Arubano, unda e simbolo di ‘Florin’ ta wordo uza. Si ta cumpli cu esaki, por pone tambe su ekivalente den otro valuta.

- Advertisement -

DUNA COMENTARIO

Please enter your comment!
Please enter your name here