Home Politica “Parkeermeters ta keda dolor financiero pa Pueblo!”

“Parkeermeters ta keda dolor financiero pa Pueblo!”

0
0
SHARE
- Advertisement -

Parlamentario, sr. Guillfred Besaril (MEP):

dolor financiero pa PuebloORANJESTAD   (AAN): Den un entrevista Parlamentario, sr. Guillfred Besaril, un bes mas a elabora riba e problematica cu e parkeermeternan a trece cune. Parlamentario Besaril a declara lo siguiente:

“Durante weekend nos a probecha pa acerca diferente persona cu ta labora den Caya Betico Croes y vecindario. Entre esnan cu nos combersa cune tabata tin tanto comerciante cu trahado, y no solamente esnan di sector priva, pero  tambe esnan cu labora den sector publico.
Pa loke ta trata e comerciantenan, keto bay ta keda registra un caida di entre 30 pa 60% di nan benta cual naturalmente no ta bon pa nan operacion diario.

No tin ni un solo comerciante cu keda sin relaciona e caida aki cu e introduccion di e ley di Parkeermeter! Esnan cu ta labora den sector priva tambe ta vocifera nan descontento pa motibo cu nan entrada no por sigui carga e peso di paga pa parkeer tur dia.

No ta tur cu ta labora den nos centro di ciudad a haya un luga specifico pa para y paga tur luna. Bou di esnan cu si a logra haya un espacio specifico tambe tin reclamo, ya cu nan ta gana salario minimo y ta sinti e golpi di paga 60 Florin tur luna.

Siman pasa nos por a tuma nota di e reclamo di esnan cu ta labora na Algemene Rekenkamer di Aruba (ARA). Esnan cu ta labora na dicho departamento a laga sa nan no por continua trahando di e forma cu e ta sosodiendo actualmente.

No solamente no ta tene cuenta cu nan na momento di a inicia cu e proyecto “Plaza Padu”, sino cu e unico opcion cu nan a ricibi tabata uno inaceptabel, ya cu tabata trata di un luga cu tabata demasiado leu di nan luga di trabou.

Hasta diferente agente policial cu ta traha den centro di nos ciudad cuminsa vocifera nan disgusto. Varios agente ta sinti cu a  lo largo nan lo sali perhudica, ya cu otro agentenan laborando  por ehempel na San Nicolas, Santa Cruz of Noord – y cu por cierto ta gana mes tipo di salario cu nan – no ta confronta e situacion aki di ta den e obligacion di paga pa parkeer, mientras cu nan si! Laga nos no lubida esnan cu ta labora na departamento di Asuntonan Social cu tambe a pone trabou abou pa motibo di Parkeermeters.

E ta mas cu obvio cu e introduccion di e ley di Parkeermeters no a bay nada bon. No a tene cuenta cu e impacto economico negativo cu esaki lo por a trece cune y basa riba e diferente ehempel menciona por yega na un solo conclusion:

“Ora Ken cu ta introduci Kico cu ta, bo ta haya un cos cu ta Con cu ta!” E Parlamentario a termina.

 

 

- Advertisement -

DUNA COMENTARIO

Please enter your comment!
Please enter your name here