Home General Siman crucial a yega pa Aruba pa transicion entre Valero, Gobierno y...

Siman crucial a yega pa Aruba pa transicion entre Valero, Gobierno y Citgo

1
0
SHARE
- Advertisement -

Minister Mike de Meza:

Siman crucial a yega pa Aruba pa transicion entre Valero, Gobierno y CitgoORANJESTAD (AAN): Den fin di siman largo cu a pasa, Minister Mike de Meza di Aruba a regresa di un biahe cortico pero sumamente importante pa Miami, Florida.

   Na e ciudad Mericano aki, Minister de Meza a sostene un reunion di nivel sumente halto cu Dr. Nelson Martinez, Presidente y CEO di CITGO Petroleum. Minister de Meza tabata compaña pa expertonan legal, financiero y tecnico durante e ultimo reunionan aki.

   “E dianan cu ta tras di lomba a logra avanza riba temanan sumamente importante pa ambos partido,” e mandatario a declara. “E periodo nos dilanti lo inicia cu e trasicion entre Valero, Gobierno y Citgo.

   “Nos a discuti e trabaonan cu mester worde finalisa y tambe e timetable cu tin nos dilanti,” Ministerio de Meza a splica na DIARIO.

    “Negociacionan pa e Definitive Participation Agreement entre Aruba cu CITGO ta den un etapa cumbre, prome cu esaki ta bay over den un periodo di transicion.” Aki tur partido lo mester bay busca nan aprobacion a base di e conceptonan cu ta riba mesa. Pa Aruba esaki ta nifica cu lo mester bay conseho di ministronan. “Despues di conseho di ministronan tin cu bay cu e diferente cambionan den ley y e proposicionnan mester bay cu esaki na Parlamento y na fin di dia pa Parlamento e ora ey duna su aprobacion riba esaki,” Minister de Meza a relata.

   Segun Ministro a mustra DIARIO, despues di conseho di ministronan tin cu bay cu e diferente cambionan den ley y e proposicionnan mester bay cu esaki na Parlamento y na fin di dia pa Parlamento e ora ey duna su aprobacion riba esaki. “Pa loke ta trata Valero y CITGO, cada un mester bay nan Hunta Directiva respectivo.” Obviamenta tur aprobacion lo no ta cla prome cu dia 31 di maart, pero nos lo sa unda nos ta para y con ta sigui den e proceso di transicion nos dilanti entre e tres partidonan.

   “Cu hopi positivismo ta sigui den e direccion aki y tur tres partido a confirma nan compromiso pa rehabilitacion di e refineria,” Minister de Meza a declara. “Tur nanishi den e mesun direccion. Tur hende ta mirando dilanti pa un acuerdo finalmente worde aproba den esaki mas lihe posibel, pero mester ta realistico tambe y hopi pragmatico cu e tempo cu tin dilanti.”

   For di aña pasa diferente mision nan tecnico, economico y legal a bishita Aruba. Nan a haci nan investigacionan di e facilidadnan di e refineria, studia nos sistema legal, como tambe haci nan analisis comercial. Di acuerdo cu e Memorandum of Understanding firma dia 22 di september 2015, CITGO a indica na Gobierno di Aruba prome cu 30 di november di lo inicia e negociacionan pa reapertura di e refineria na Aruba. Segun e MOU e siguiente fase di negociacion a resulta den un Heads of Agreement, of acuerdo marco, cu a worde firma dia 23 di december ultimo. Partidonan ta trahando awor riba e “Definitive Participation Agreement”

- Advertisement -

DUNA COMENTARIO

Please enter your comment!
Please enter your name here