Home General A dicidi cu mester tuma un inventarisacion di e cantidad di permisonan...

A dicidi cu mester tuma un inventarisacion di e cantidad di permisonan cu tin otorga pa hotel

0
0
SHARE
- Advertisement -

Minister Otmar Oduber ta wardando e ley yega parlamento

A dicidi cu mester tuma un inventarisacion di e cantidad di permisonan cu tin otorga pa hotelORANJESTAD(AAN) Un di e puntonan cu a reuni riba dje januari ultimo hunto cu coleganan den gobierno tabata hopi importante.

E consecuencia di decisionnan cu tin pa loke ta trata terenonan cu ta keda otorga of permisonan di construccion cu ta keda otorga na sea hotel, condominionan of apartamentonan tin un consecuencia directo pa loke ta trata industria di nos turismo na Aruba.

   E discusion aki a lanta cabes na momento cu Minister Otmar Oduber ta haya su mes confronta cu diferente gruponan cu ta yega oficina unda cu ta indica cu tin diferente terenonan cu ta keda poni den opcionnan y cierto di nan a haya hasta permiso di construccion pa hotelnan unda cu cierto momento na momento cu haci un calculacion esaki no ta cuadra cu e decisionnan cu gobierno conhuntamente a tuma.

    Segun Minister Otmar Oduber un di e decisionnan  ta cu lo tuma un inventarisacion di tur e cantidad di opcionnan cu tin, cantidad di permisonan cu a keda pidi pa construccion, sea ta tereno priva of publico. Esaki tin un consecuencia basta dramatico riba nos turismo.

   Minister Otmar Oduber ta duna di conoce cu si mester mira e cantidad di personanan cu ta yega cerca di dje ultimamente ta preocupante, pesey mes e discusion aki a bin dilanti. Segun Minister Oduber gobierno actualmente ainda ta na tempo pa para e fenomeno aki. Segun e mandatario Conseho di ministronan a keda confronta cu e sorpresa di e proyecto cu ta un supuesto hotel cu lo ta bay ta cerca di Divi Phoenix  unda cu a rosa un tereno bastante grandi y ta papia di un cantidad di 360 camber cu aparentemente tin un permiso di construccion. Tambe recientemente a haya bishita di un proyecto na Bubali  unda cu ta papia di un shopping mall combina cu condominium/hotel y ta papia di mas of menos 180 camber.

   Tambe ta worde papia di un tereno propio cerca di Palm Beach Plaza cu tambe tin cierto permisonan cu a keda entrega cu intencion pa construi mas. Tin diferente  expansionnan di hotelnan existente. Asina por keda menciona un cantidad di terenonan cu a keda otorga y tambe permiso di construccion. Esaki ta un situacion cu mester tene cuenta cu ne y ta pesey mes hunto den Minister Raad a tuma e decision cu lo mester haci inventarisacion pa asina gobierno tin un bista mas amplio.

   Pa Tierra Del Sol a pone hopi condicionnan estricto pa loke ta trata calidad di un identidad di hotel cu gobierno lo ta desea aki na Aruba. Loke mester ta hopi cla ta cu cada hotel cu keda construi na Aruba mester por contribui directamente na e maneho y strategia cu gobierno a pone su dilanti pa loke ta trata calidad di turismo cu kier mira na Aruba.

   Mirando esaki Minister Oduber ta lamenta cu su persona, cu ta percura pa e maneho di turismo cana riba un nivel halto, y mescos cu Minister Schwengle a comenta recientemente, no ta forma parti di e decision pa cu otorgamento di terenonan pa hotel y tampoco permiso di construccion di hotel, apartamentonan ect ect. Pesey mes e mandatario a percura pa un ley cu ya caba a cana tur su camindanan. Minister di Turismo ta kere cu si nos por traha hunto ta significa cu nos por carga e vision di Gabinete Eman II manera mester ta.

- Advertisement -

DUNA COMENTARIO

Please enter your comment!
Please enter your name here