Proyecto di boei di TPEF lo crea siguridad riba lama
ORANJESTAD (AAN): Pa Aruba Tourism Authority (ATA) ta bunita pa presencia e trayecto di di ponemento cu boei na Arashi.
Director di ATA Señora Ronella Tijn Asjoe- Croes tabata presente na e prome ponemento di boeinan den e parti di Arashi y ta kere cu sigur ta importante pa mantene e seguridad pa turistanan y localnan cu ta haci uzo di nos beachnan , pero tambe esnan cu ta haci uzo di nos beachnan cu transporte di motor.
Den e proyecto aki ATA tin den su encargo e zonanan mas uza cu ta dilanti di nos hotelnan. E parti di ATA lo cuminsa pronto pa asina duna e parti aki tambe e seguridad cu e tin mester.
Directora di ATA ta spera cu pa prome di juni un gran parti di e proyecto di boeinan cu ta necesario lo keda coloca tambe den e zona nan destina.
Pa ata mes esaki ta otro inversion pa nos playanan y banda di inversion di nos kiosconan tambe ATA ta haci un parti y TPEF ta haci e otro parti cu ta banda di Reflextions Beach (ex-Havana Beach) cu ta playanan cu hopi turista y local por a disfruta di nan caba, pero cu a keda renoba bao di e maneho di Minister Otmar Oduber.
Sinembargo banda di inversion di investigacionnan cu ta tumando luga actualmente, ta pa midi calidad di nos awa. ATA no solamente ta tira bista of haci esfuerzo pa embeyece nos playanan , pero tambe den nos awanan por ehempel contribui na e proyecto di boeinan.
Hopi biaha ATA ta haci inversionnan den cosnan cu comunidad no ta mira por ehempel midi calidad di nos awanan.
Segun director di ATA abase di investigacionnan asina Aruba por determina tambe kico ta e miho pasonan pa tuma y pa asina combina pa sigui haci esfuerzonan manera a haci anteriormente na Surfside pa haci e awanan limpi den areanan cu tin mester.
Esaki por bisa ta hopi diferente inversionnan a keda haci riba nos playanan y den nos awanan mirando cu nos beach ta e atraccion di mas importante pa e mercado di Aruba den su totalidad.
