Home General E Aruba Caribbean su prome Ehecutivo di Benta y Mercadeo a wordo...

E Aruba Caribbean su prome Ehecutivo di Benta y Mercadeo a wordo reconoci

1
0
SHARE
- Advertisement -

Un pionero yama Nancy

ORANJESTAD   (AAN):   Hilton Aruba Caribbean Resort & Casino a conduci un buskeda pa potretnan historico durante e ultimo simannan aki.

E imagennan colecta lo wordo transforma pa obranan di arte nobo pa e cambernan elegante y e diseño fresco di e espacionan publico, como parti di e renobacionnan cu ta programa pa tuma luga durante e zomer aki.

Nancy Maceachern a provee potretnan interesante y un bon storia personal:

Na Augustus di 1959, como un hende muhe hoben, el a haya trabou como un asistente na e Director di ARUVEN Jeffery De Veer, na e Aruba Caribbean Hotel. Tabata poco tempo despues di e apertura di e propiedad di 120 camber, na Palm Beach. E Famoso architect Mericano Morris Lapidus a wordo comisiona door di ARUVEN, un cooperacion entre Aruba & Venezuela, pa diseña un edificio bunita pa e suma di Awg 3 miyon, pero e no-creyentenan a sigui cuestiona ken lo keda na e hotel? E cabritonan?! Ken lo kier bin Aruba pa nan vakantie?

Manera bo por imagina, e temponan aki tabata dificil. No tabatin bishitantenan, y Nancy a wordo pidi tambe pa supervisa benta y mercadeo, y wak kico e lo por haci pa promove e resort na Venezuela y Puerto Rico. Cu un fuente di creatividad el a bin cu e programa “Aruba Bonus.” El a cuminsa chikito, y a plama manera candela. Nancy a viaha pa Caracas pa su mes, y a bati riba porta di agencianan di viahe existente splicando cu cada pasahero rumbo pa Aruba lo haya un descuento di 80 Bolivar, pa un minimo di cuater anochi di vakantie na e Aruba Caribbean.

Aparentemente, no tin hopi cu a cambia desde 1959, ya cu e Gobierno Venezolano durante e tempo ey a castiga su ciudadanonan ora di sali for di e pais door di obliga nan di paga un impuesto di 80 Bolivar cada un. Awendia ainda nan ta wordo castiga, na hopi otro manera. E programa di Aruba Bonus a priminti di duna e suma aki bek na e bishitantenan, y esaki a lansa un relacion positivo largo y exitoso cu e turistanan Venezolano. Nancy a logra di sigura un articulo di dos pagina den e Caracas Daily, describiendo e tesoronan di Kan Jewelers y Spritzer & Fuhrman, promoviendo compras di Duty Free.

Nancy a traha na e hotel pa cinco aña den varios posicion. El a viaha constantemente pa promove e  Gran Dama na New York y a crea avisonan den e corantnan local pa e Klompen Klub, e Papiamento Room, e Bali Bar y otro atraccion na e hotel, manera e casino di 41 slot mashin y e Divi Divi pool bar.

E compania cu tabata maneha e hotel mes, esta Executive Offices Inc., tabata un operacion basa na Chicago. E compania aki ta esun cu a acepta e oferta di e Gobierno Arubiano pa maneha un hotel unda tabatin nada, y agrega e propiedad na su coleccion di hotelnan cual tabata inclui e Condado na Puerto Rico.

Nancy a nace na Aruba cu mayornan Mericano, su tata a traha na e Refineria di Lago y el a bai scol aki riba e isla prome cu el a sigui cu su educacion universitario na Merca. Na momento cu el a regresa pa e isla arma cu un diploma, el a traha pa De Veer & Sons, y a bira e prome ehecutivo di benta y mercadeo riba e isla.

E ta corda cu e hotel tabata draai asina bon cu e mester a tuma e sistema di reservacion over. Pa cierto dia di fiesta e fluho di mas di huespednan a wordo acomoda den e ballroom y den e cabananan, ya cu tur kende kier a bin Aruba y hospeda na e Carib, y haci compras probechando di e ofertanan di duty free na Oranjestad, “ya cu na Aruba, tur dia ta Perfecto pa un Fiesta di Playa.”

Nancy ta biba na Aruba ainda, compartiendo su tempo entre su cas na Oranjestad y California, Merca.

- Advertisement -

DUNA COMENTARIO

Please enter your comment!
Please enter your name here