Home Hudicial Homber ta admiti di a yuda dos Latino pa drenta horta den...

Homber ta admiti di a yuda dos Latino pa drenta horta den un tienda

0
0
SHARE
- Advertisement -

ORANJESTAD (AAN): E homber B.B. acusa cu riba 10 November 2015 hunto cu otronan a kibra horta den tienda y bay cu placa, a admiti di a yuda dos Latino. Hues a mustra cu a haya su fingerprint. Hues a puntra kico a pasa e dia ey. Segun B.B. el a caba di sali di un bar y a pasa ey banda. Dos Latino kier a bay horta y nan a pidi’e pa yuda horta.

El a bisa cu el a dicidi di yuda pasobra e tabatin miedo cu algo lo pasa cun’e. El a haya 100 Florin. Segun B.B. e tabata burachi. El a bisa Hues cu si no tabata burachi, e lo no participa. El a bisa cu e no conoce e latinonan.

Hues a remarca cu ta straño cu dos latino cu B.B. no conoce ta bay puntr’e pa yuda horta. B.B. a bisa Hues cu e conoce nan pa cara pero no sa nan nomber.

Hues a bisa cu con ta splica cu nan ta bay pidi’e pa yuda horta. B.B a bisa cu e ta pensa cu door cu el a pasa y pa evita cu e lo bay yama Polis nan a pidi’e. Hues a remarca cu B.B. tin carchi di castigo cu diferente caso di ladronicia.

Ta asina cu actualmente e ta trahando na un compania pa drecha telefoon. Hues a puntra si e worde castiga ki consecuencia esaki lo tin p’e. Segun B.B. si e bay sera, esey lo perhudike. El a bisa cu e no ta bebe mas pasobra esaki ta hinke den hopi problema.

EXIGENCIA DI FISCAL

Fiscal a bisa cu a keda legalmente proba cu B.B. a horta for di e tienda. A haya fingerprint riba bentana pero no a haya fingerprint di otronan. A coy placa for di cahanan di placa. Esey ta mustra cu e no tabata su so.

Fiscal a bisa Hues cu no ta kere e storia cu B.B. no conoce e Latinonan. E ta haya cu B.B. tabatin funcion importante den e ladronicia. Fiscal ta haya cu B.B. tabatin tur oportunidad ora e dos Latinonan a drenta, laga e rol di hero di bentana bay y core bay.

E ta haya cu tabatin cooperacion estrecho y esey ta haci B.B. complice. Fiscal a mustra cu den pasado B.B. a worde condena. El a bisa cu B.A. a sinta 82 dia y tin risico si e bay sera lo por perde su trabao. El a exigi castigo igual na loke el a sinta caba.

SENTENCIA

Hues a sera tratamento di e caso y dicta sentencia di biaha. Hues ta haya cu B.B. ta complice y ta haya e castigo exigi pa Fiscal na su lugar.

Hues a condena B.B. na 82 dia di prison cu ta igual na loke el a sinta caba. E ta haya cu B.B. ta drenta un etapa nobo di su bida y ta spera cu nunca mas e lo mir’e den Corte.

- Advertisement -

DUNA COMENTARIO

Please enter your comment!
Please enter your name here