Home General Minister Paul Croes: Expo Labor un exito rotundo

Minister Paul Croes: Expo Labor un exito rotundo

2
0
SHARE
- Advertisement -

ORANJESTAD (AAN) – Diasabra e Expo Labor a resulta un exito rotundo. Un multitud enorme di hendenan cu a bin presencia e Expo Labor 2016 unda tabatin personanan cu a bin pa busca of cambia trabao y tambe asisti na e diferente seminarionan y lecturanan organisa.

Minister Paul Croes di Labor a mira e necesidad pa organisa un evento unda a logra haya 500 vacatura, y prepara e setting pa asina personanan interesa pa un trabao of kier cambia trabao den un encuentro por hasi esaki. Mas di 4000 persona a acudi  na e Expo Labor 2016.

Minister Paul Croes a mustra hopi satisfaccion cu e animo desplega pa Arubianonan construyendo nan futuro. “Arubianonan ta hende balente. Esei awe a wordo reitera. Esaki ta parti di pakiko pueblo ta paga mi salario y mi ta demasiado satisfecho cu e resultado. E entusiasmo a sorprendemi pero mi ta sumamente contento.

Si 400 persona por logra un empleo e ta un injection importante den nos economia”, Minister Paul Croes a bisa. E presentacionan tambe a resulta exitoso. Cientos di hendenan a yega y a scucha e informacionan presenta. Un animo impresionante riba Expo Labor.

“Mi lo laga hasi un evaluacion di henter e evento pero ya caba mi ta sinti e necesidad cu nos mester bolbe organisa esaki”, minister Paul Croes a declara. Un Magno evento cu un reaccion hopi positivo di nos comunidad.

Expo Labor a resulta den un exito rotundo. Minister Paul Croes ta mira e nesecidad pa organisa un segundo Expolabor pa asina por logra mas trabow pa nos ciudadanonan.

- Advertisement -

DUNA COMENTARIO

Please enter your comment!
Please enter your name here