Home General Na caminda pa Torneo di Pesca 2016

Na caminda pa Torneo di Pesca 2016

2
0
SHARE
- Advertisement -

ORANJESTAD (AAN) – Señor Castro Perez, den entrevista cu Matutino DIARIO, a duna nos informacion tocante e torneo di pesca 2006, cu lo tuma lugar na Juli proximo.

Castro Perez a menciona con e proceso di preparacion ta bayendo te awor:

“Nos ta planificando e torneo, buscando sponsornan, ahustando e reglanan di e torneo, promoviendo e evento di adelanta, prome cu bin cu e registracion.

Semper tin mas di 25 boto cu ta participa den e proyecto aki, cu sea ta cu boto crioyo, of botonan mas grandi. Aña pasa a tuma lugar den Centro di Pesca Hadicurari y e aña aki, probablemente, lo ta den e mesun lugar”, Castro a duna di conoce.

E torneo aki ta pa piscadornan adulto (riba 18 aña). Nan ta haya semper premio: efectivo tin biaha y logicamente e trofeonan. Esaki ta un competencia cu tin hopi aña cu ta tumando lugar.

“Mayoria di biaha e ta tuma lugar un Diadomingo despues di dia 29 di Juni cu ta Dia di Piscador”, Castro Perez a splica nos.

E torneo aki ta wordo organiza pa Stichting Centro di Pesca Hadicurari cu cooperacion di DLVV (Santa Rosa). Byron Boekhoudt ta un di e organizadornan y Castro Perez ta asisti e den esaki, cu ayudo di e Directiva di Hadicurari.

 

- Advertisement -

DUNA COMENTARIO

Please enter your comment!
Please enter your name here