Home Hudicial Awe Hues Comisario ta dicidi riba prolongacion di Juancho Tromp

Awe Hues Comisario ta dicidi riba prolongacion di Juancho Tromp

6
0
SHARE
- Advertisement -

Awe Hues Comisario ta dicidi riba prolongacion di Juancho TrompORANJESTAD   (AAN): Manera ta conoci, e yiunan di Reginald Danies ta acusa e homber Juancho Tromp, naci na aña 1956 di lo a mishi cu nan durante nan tata tabata encarcela na KIA. E tata ta canando su caminda legal awor pa purba haya husticia pa su yiunan, considera como victimanan di abuso sexual.

Riba dia 13 di april 2016, Polisnan di Jeugd en Zeden Politie a detene e homber Juancho Tromp riba ordo di Fiscal di Ministerio Publico. Ta acus’e di e delito “Ontucht handeling met minderjarige”. Riba dia 21 di april ultimo, Fiscal a pidi Hues Comisario pa prolonga su detencion cu 8 dia mas, locual a sosode tambe.

Den e proceso a traslada Juancho Tromp pa KIA, unda e ta permanece encarcela pendiente e investigacion andando den su contra. Den nos codigo di procedimiento penal nos ta yama e proceso aki, cu e ta den “bewaring”.

Si tur cos ta bon, awe diamars 3 di mei, mirando cu tabatin un fin di siman largo cu dianan liber, Hues Comisario lo mester dicidi riba e peticion di Fiscal pa wanta Juancho Tromp encarcela pa un otro 30 dia mas.

E procedura ey yama “gevangenhouding” y ta encera cu cada pasa 30 dia atrobe e mester mira un Fiscal y un Hues Comisario pa evalua su caso, evalua si berdad ta necesario mantene encarcela te dia su caso bin padilanti, etc.

Desaroyo di e caso si ainda ta hermeticamente cera, pues dificilmente nos a logra haya informacion cu si Juancho Tromp a admiti su culpabilidad of si e ta nenga di lo a mishi cu e muchanan manera e acusacion ta den su contra.

Cu un proceso penal activo y cu e sospechoso encarcela pa mas cu 2 siman caba, no por compronde dicon e tata di e muchanan ta sigui disgusta, na vadalisa edificionan di Gobierno y ta menasa mundo henter via red social.

- Advertisement -

DUNA COMENTARIO

Please enter your comment!
Please enter your name here