Home Policial Reginald Danies mes a core entrega su mes na Polis diaranzon anochi

Reginald Danies mes a core entrega su mes na Polis diaranzon anochi

0
0
SHARE
- Advertisement -

Reginald Danies mes a core entrega su mes na Polis diaranzon anochiORANJESTAD(AAN): Reginald Danies awor no ta un tata buscando husticia so pa su yiunan. Awor Reginald Danies a bira tambe un sospechoso DOOR DI A causa daño na propiedad di hende.

Su actuacion a pone cu hopi hende cu tabata para cu su lucha a bira lomba pe. Husticia a prevalece den su caso pero parce cu esaki no tabata suficiente.

E atencion cu el a haya den media a pone kizas cu awe e kier keda cu e atencion aki. E tin hende cu ta pusha pe tambe cu tambe constantemente ta busca atencion riba rednan social.

Riba ordo di fiscal analizando e cantidad di keho, a bay over na duna ordo pa su detencion.

Ora Reginald Danies a tende, e mes a core yega warda di Playa diaranzon anochi y entrega su mes na Polis.

Reginald Danies ta un conoci di husticia. Mester bisa tambe cu despues di detencion di e sospechoso den caso di su yiunan, Reginald Danies no a stop cu sushamento di muraya. El a pasa diferente parti y den conferencianan mes a admiti di ta cometiendo e actonan aki. El a bay asina ley di anuncia unda su siguiente spotnan pa susha lo por ta. Den mayoria di e casonan tin kehonan cu a wordo entrega.

El a cuminsa causa un rabia den comunidad mirando cu su actuacion tabata mustra mas bien uno infantil. El a laga sa cu e lo sigui tempo cu ainda e homber no tabata deteni. Despues cu e homber Juancho a keda deteni toch el a sigui y esey a pone cu e mensahenan a pone tambe cu casi tur hende su tras a bira lomba pe.

Turistanan hasta tabata puntra ta kende of kico e cos aki ta? Tabata contesta nan mesora cu ta trabou di un solo hende cu no por splica kico final di su meta ta pasobra e sospechoso mes ta deteni.

Casi sigur Reginald Danies lo bay duna su declaracion na autoridad y admiti su culpabilidad total. Esey nifica cu e chens di sali den libertad e weekend aki mes ta hopi grandi. Si fiscal haya tur cos y declaracion haci, nifica cu nan por lagu’e bay cas atrobe pasobra no tin nada mas pa investiga. E pregunta ta si e lo bay cubri e gastonan di tur e daño cu el a comete riba propiedadnan priva y publico.

- Advertisement -

DUNA COMENTARIO

Please enter your comment!
Please enter your name here