Archivo di June, 2016

Arco Iris Kleuterschool ta keda cla na september

Publication: Thursday, 30 June 2016. Categoria: General

Proyecto cu a cuminsa na januari

ORANJESTAD (AAN): Na januari cu a pasa, e contratista Freman, bao supervision di Dienst Openbare Werken (DOW) a cuminsa cu e trabao pa renoba Arco Iris Kleuterschool. E school tin ocho klas y ta ubica den Avicenastraat na Oranjestad.

   Recientemente Minister di Enseñansa Michelle Hooyboer-Winklaar a bishita e school un biaha mas pa haya un “update” di e progreso di e trabao.

   Bouwkundig ingenieur Jaime Winterdaal ta encarga como project manager di parti di Freman, y a splica den ki fase e construccion ta actualmente. E preparacion pa cuminsa traha riba e proyecto a tuma mas of menos tres luna, incluyendo e periodo di destaho publico. E construccion mes a cuminsa riba dia 26 di januari.

Habitantenan a scucha tiro den caya di Aliviostraat

Publication: Thursday, 30 June 2016. Categoria: Policial

Habitantenan a scucha tiro den caya di AliviostraatORANJESTAD(AAN): Diaranzon pasa di 1or di marduga e bisiñanan di Aliviostraat a scucha tiro.

   No ta conoci cuanto tiro pero e sonido di disparo, a pone cu habitantenan a yama polis mesora pa e situacion.

   Polis a yega den e area y cuminsa core rond unda a topa un grupo di hoben sinta pafo den e caya. A papia cu nan pero nan no a scucha nada di tiro. Nan a bisa polis cu nan tin basta rato sinta eynan. Polisnan a keda core den e area pa wak si por topa otro hende of mira algo.

    No a topa nada y pesey despues di patruya a bandona e sitio pa sigui cu nan patruya.

   Aliviostraat ta den sona di Paradijswijk y Santa Helena.

Gobierno no kier tuma accion pa scapa Caya Betico Croes

Publication: Thursday, 30 June 2016. Categoria: Politica

Dangui Oduber di MEP

ORANJESTAD (AAN): Segun Dangui Oduber di MEP, algun siman atras nan a bishita Caya Betico Croes y nos a trece e imagenan pa pueblo mes por wak con e situacion den Caya ta. Un situacion hopi penoso caminda tin mas tienda sera cu tin tienda habri den Caya.

   Durante nos bishita nos a constata cu tin 30 tienda a sera nan portanan y awor cu nos ta na fin di luna di juni 4 mas a sera nan portanan cu ta yega na un total di 34 tienda sera. E situacion den Caya no a bira mihor sino a empeora.

   Envez cu gobierno di Aruba a tuma accion y a haci algo pa trece un alivio pa comercio den playa, nan ta sigui castiganan. Gobierno di Mike Eman ta prefera pa tur tienda sera nan portanan promer cu tuma accion.

Tur hende mester cumpli cu e condicion di vergunning di Taxi

Publication: Thursday, 30 June 2016. Categoria: General

Tur hende mester cumpli cu e condicion di vergunning di TaxiORANJESTAD (AAN)  Durante un conferencia di prensa Minister encarga cu Transporte Otmar Oduber a splica den mas detaye pakico a bini cu un MB awor riba asunto di permiso di taxi, siendo cu no tin ningun cambio haci den e ley aki.

  E mandatario a cuminsa pa bisa cu e ta sinti cu tin hopi bruhamento di tera y politikeria cu ta wordo haci cu e tema di e MB cu a keda publica recientemente. “E intencion no ta pa crea polemica riba e asunto aki,”el a bisa.E mal interpretacion riba e MB a causa inclusive un separacion entre autobus for di taxistanan, cual segun e mandatario ta bisa no tabata necesario.

  “Ta trata simplemente di un malinterpretacion pasobra nada no a cambia.”E motibo cu a bini of publica e MB aki cu ta e mesun di mei ultimo, tabata pa aclaria e mal interpretacion. E ley ta bisa cu un permiso di taxi por wordo pasa pa un yiu solamente si e ta cumpli cu e condicionnan stipula den e ley y esaki ta encera entre otro cu e yiu mester tin mas di 25 aña, e mester ta biba den e mesun cas cu su tata y e mester ta “kostwinner” di e cas.

Comerciante luchando pa sobrevivi despues di a haya problema cu pasamento di tereno di un doño pa otro

Publication: Thursday, 30 June 2016. Categoria: General

ORANJESTAD  (AAN):  Leoncio Corona ta doño di Corona Upholstery y e ta den un situacion legal cu ya ta tumando basta tempo. E ta conta cu e tin mas di dos aña cu e ta den corte. Den prome instancia el a gana su caso, pero den e di dos caso el a perde. El a haci apelacion na corte superior y e caso ta andando ainda. Pero a dicidi cu nan ta bay basha e edificio abao toch cu autorisacion di hues.

    Awor aki e ta wardando decision di corte superior. El a manda un carta aden pa wanta e desaloho, pero asina mes a dicidi di saca tur su cosnan ta afo y basha e luga awo. Awo el a perde tur cos y awo Corona no sa con e ta bay handle cu su cosnan, mirando cu mayoria di su cosnan ta perde.

Dos sospechoso pa tira riba hende dilanti Hues

Publication: Thursday, 30 June 2016. Categoria: Judicial

ORANJESTAD (AAN): Awe mainta e homber C.K. y e homber R.K. mester presenta dilanti Hues pa duna cuenta pa e caso penal serio cu Ministerio Publico a cuminsa contra nan.

   Na April 2016, C.K. a presenta caba dilanti Hues pero Fiscal a bisa cu e caso ta pro forma pasobra e procesverbaal a keda cla recien y no a haya suficiente tempo pa prepara e caso. Ademas tin un otro sospechoso R.K. cu tambe ta complice y Fiscal kier pa e tambe presenta hunto cu C.K.

   Fiscal a propone pa e caso tuma lugar awe mainta.

    ACUSACION:

Awe ta sigui cu caso di atraco arma riba turista

Publication: Thursday, 30 June 2016. Categoria: Judicial

ORANJESTAD (AAN) E homber Z.T., awe mainta mester presenta dilanti Hues pa e caso penal cu Ministerio Publico a cuminsa contra di dje. Na April 2016 e caso aki a keda posponi pasobra e procesverbaal oficial di Polis no ta cla. Tambe Fiscal tabata kier pa dos otro sospechoso tambe presenta.

    ACUSACION:

   E acusacion cu Fiscal a presenta contra Z.T. ta cu dia 26 di October 2015, hunto cu otronan el a haci un atraco arma riba un persona caminda a bay cu un cartera cu 80 Dollar.

   Segun e turista, e trio a bin riba dje y nan a saca un of mas arma riba dje. Nan a bay cu su cartera conteniendo 80 Dollar.

Comerciante furado di stoel ta acusa Polis di tin su 58700 florin te awe y ta perhudik’e di haci negoshi

Publication: Thursday, 30 June 2016. Categoria: Judicial

ORANJESTAD  (AAN): Comerciante Leoncio  Corona mester come y haci negoshi naturalmente. El a haya un problema grandi, cu a cuminsa cu e Chines cu a cumpra e edificio na Shiribana caminda e tin su negoshi. El a haya un inval na su cas di polis y a bisa cu e ta laba placa, bende droga, etc., siendo cu e tin e negoshi for di 1997.

Ora cu polis a yega su cas y na su negoshi, na cas el a haci tur cos bon, pero na su negoshi, polis a haci cierto cos na su negoshi cu no ta cuadra cu ley. Ora cu nan a bin arest’e, Corona a bisa cu e tin tur su pertenencianan na su oficina. El a bisa polis cu e tin su placa y tur cos na su oficina. Corona tabata tin 58700 florin na su oficina cash, cu ta di un tereno cu el a bende y ta cos cu e tabata tin prueba di unda e placa a bin.

Gobierno di AVP a logra produci unicamente 1.7% di energia alternativo den 7 aña di Gobernacion

Publication: Thursday, 30 June 2016. Categoria: Politica

Chris Romero di MEP:

Chris_RomeroORANJESTAD (AAN): Un biaha mas nos por a mira sr. Mike Eman y sr. De Meza ta cana bisa cu actualmente Aruba ta riba un consumo di 17% di energia alternativo. Mi tin cu bisa cu finalmente nos por scucha sr. Mike Eman papia algo realistico, aunke e ta keda purba bende nos un 6 pa un 9.

   Berdad ta cu den e ultimo 7 aña aki di Gabinetenan Mike Eman I & II, e unico porcentahe di energia alternativo cu nan a logra acumula ta loke cu ta haya for di e solar panels na Aeropuerto Internacional Reina Beatrix, cu ta mas o menos 1.7%.

   Lagami splica na un manera mas detaya pakico mi ta bin cu e ponencia aki.

Fiscal na Michigan lo no usa prikichi mas como testigo di asesinato

Publication: Thursday, 30 June 2016. Categoria: General

prikichi_michiganORANJESTAD (AAN): Informacion for di Grand Rapids, Michigan, ta indica cu Fiscal a dicidi cu e lo no yama mas un prikichi pa aparece den un Caso Hudicial.

   Ta conoci e storia caba anteriormente, cu un Fiscal na Michigan county na Merca tabatin interes pa usa un prikichi, tipo “African Gray parrot” como un testigo den un caso di asesinato di su doño cu a wordo tira mata.

   Pero recien, Fiscal a laga sa cu e no tin plan mas di haci esey.

   Legalmente esaki no ta un sorpresa, pasobra expertonan a mustra cu tin ningun forma pa proba cu loke e parha ta imitando, ta e voz di su doño Martin Durham cu a socede riba e dia di asesinato.

Minister Paul Croes ta sostene seminario riba topico di intimidacion sexual na pia di trabao

Publication: Thursday, 30 June 2016. Categoria: General

Minister Paul Croes ta sostene seminario riba topico di intimidacion sexual na pia di trabaoORANJESTAD (AAN): Minister di Labor, Paul Croes ta sostene iniciativa di varios instancia local pa comparti mas informacion riba e topico di intimidacion sexual na pia di trabao. E siman aki el a forma parti di un conferencia di prensa den cual a anuncia un seminario cu ta bay tuma luga den luna di augustus.

   “Lamentablemente e ta sosodiendo riba nos pais na un porcentahe halto y ta importante pa nos como sector publico y priva sa con pa maneha e situacion aki ora e presenta,” asina Minister Croes a declara.

   Pa medio di comunicacion y educacion ta busca pa preveni casonan di acoso sexual den compania y otro luganan di trabao. Kier duna un mensahe bon cla na e posibel victimanan cu nan no mester tin berguenza di haci denuncia y busca ayudo; como tambe na e responsabelnan sa cu no ta tolera e comportacion aki y e tin su consecuencianan.

Extra control di Polis no a cumbini “turistanan” ilegal

Publication: Thursday, 30 June 2016. Categoria: Policial

Ekipo special “Flex-Team” den accion

ORANJESTAD   (AAN): E siman cu a pasa,  mirando e cantidad di eventonan rond di nos isla, Polis a percura pa extra presencia, extra patruya y extra control na areanan druk. Den fin di siman a dedica atencion na Aruba Summer Festival, specialmente pa figuranan sospechoso canando banda di e autonan. A core cu tur for di eybanda.

   E areanan conoci cerca di Manuelito’s Bar, Cirkle K y. Hotel Bacarat a haya bishita y unda a topa formacion di grupo a actua mesora. Clubnan manera Lekker y Olde Molen a ricibi bishita di control pa sigura cu ta cera na e ora stipula den nan permiso.

Rapport pa Arte y Cultura pa bay scol a keda entrega na Minister Otmar Oduber

Publication: Thursday, 30 June 2016. Categoria: General

Rapport pa Arte y Cultura pa bay scol a keda entrega na Minister Otmar OduberORANJESTAD (AAN) Minister Otmar Oduber a ricibi un rapport relaciona cu inclusion di Arte y Cultura den curriculum di enseñansa aki na Aruba. Na momento di ricibi e rapport, e mandatario a splica cu esaki ta un di e comisionnan cu ta encarga cu e parti di Arte y Cultura den e educcion aki na Aruba. Den e comision aki tabatin miembronan di Directie Cultuur como di Directie Onderwijs. Den e tarea cu e comision a ricibi tabata hopi importante e curriculum ontiwikkeling.

   E mainta aki profesionalnan di Directie Onderwijs y IPA a presenta nan conclusionnan a base di e trabou cu a wordo pidi for di nan pa por prepara un “timeline” y tambe e proceso cu mester wordo hiba pa logra hinca e aspecto di Arte y Cultura den tur scol na Aruba y na tur nivel.

Rene Herdé ta haya cu mas energia ta na propio interes di Aruba

Publication: Thursday, 30 June 2016. Categoria: General

Rene Herdé ta haya cu mas energia ta na propio interes di ArubaORANJESTAD (AAN): Segun Rene Herdé di Partido AVP, e anuncio di gobierno cu ta bay pone panelnan di solo riba daknan di school y di edificionan di gobierno ta un bon noticia.

   E ta nifica cu den futuro nos lo mester bay gasta menos placa na importa productonan di petroleo caro. E ta nifica cu nos ta usa mas di e energia di solo y biento cu nunca ta caba y cu tecnologia ta permiti nos usa pa genera coriente.

   Aki Rene Herde a bisa: “Si energia di solo y biento no ta caba. Si energia di solo y biento ta limpi y ta bon pa nos salud y pa naturalesa. Si energia di solo y biento ta haci cu a lo largo prijs di coriente ta keda mas stabiel. Si e tecnologia tey pa nos haci uso didje. Si nos por bay gasta menos cu e 300 miyon Florin pa aña cu nos ta gasta pa importa productonan di petroleo. Si e uso di solo y biento pa genera energia pa henter nos pais ta haci nos menos dependiente di otro paisnan, pakico nos no lo mester haci’e?”

Cu fiesta di Dera Gai henter Cuerpo di bombero tabata basta ocupa

Publication: Thursday, 30 June 2016. Categoria: General

Cu fiesta di Dera Gai henter Cuerpo di bombero tabata basta ocupaORANJESTAD(AAN): Den fin di siman tabata tin basta trabao pa bomberonan. Tabata tin riba 300 melding y di cual 52 biaha mester a drenta den accion, pero menos compara cu aña pasa. Yamadanan cu a drenta tabata 350+. Esaki a cuminsa for di 8’or y 10 di mainta, ya e prome candela di mondi a cuminsa.

  Despues a bay basta trankil parti merdia y despues banda di 5’or di atardi, el a start atrobe te madruga. Ferdinando Ponson kende ta vocero di cuerpo di bombero a splica kico ta e trabao cu nan tabata tin e aña aki cu e celebracion di dia di San Juan.

   El a relata cu ta gradici pueblo mirando cu hopi hende no ta resisti na e personal y centralistanan di bombero. Ta di compronde cu tabata tin diferente candela, cu si ta spanta e hendenan, pero nan a keda calmo den e parti aki.