Home Politica Analisis politico

Analisis politico

0
0
SHARE
- Advertisement -

Awo ta Evelyn ta habri nos refineria

Pa basta tempo nos tin Glenbert Croes ta papia di su contactonan na Venezuela cu ta bay percura pa Glenbert yega na un reapertura di nos refineria. Hasta nos a elogia e actuacion di Glenbert pasobra e ta un muestra di un acercamento positivo y ta conoci cu Glenbert tin contactonan na Venezuela. Si e contactonan aki tin influencia cerca esnan cu mester dicidi riba e crudo di e pais no ta conoci. Un di e personanan cu tabata amigo y socio di Glenbert ta e Francisco Gonzalez  cu probablemente tin entrada na autoridadnan Venezolano.

Francisco siman pasa a worde aresta na Venezuela riba peticion di Interpol di Spaña en conexion cu un cantidad di crimen cometi na Spaña y kizas pafo di Spaña tambe mirando cu ta Interpol ta encarga cu e caso aki. Na Aruba ningun hende no a critica Glenbert cu e lo habri e refineria y den mayoria hende tabata hari na un manera positivo pensando cu e storianan di Glenbert probablemente no ta algo serio pero contrario na e partido MEP e tabata desea di lanta e impression cu e tabata bezig cu algo serio.

Gobierno di Aruba a pone un comision special grandi  traha ariba e posibel reapertura di e planta y nunca nan no a tende di e envolvimento di Glenbert den esaki. Ta keda positivo cu Glenbert a persisti ariba su trabao den esaki. Awo cu gobierno di Aruba a logra e reapertura di e refineria diripiente Evelyn Wever Croes tambe kier haya parti di e reconocimento pa e logro grandi aki.

Aparentemente Evelyn no ta realisa cu un par di dia pasa Francisco Gonzalez a worde aresta y despues di menos cu un siman a sali na cla un biaha mas cu Glenbert ta partner cu Francisco den varios compania entre otro compania cu ta den benta di productonan petrolero. Hasta un di nan companianan a haci un  peticion na Nel Oduber tempo e tabata ministro presidente di Aruba pa haya e planta di Aruba.

Te na e momento aki Evelyn no a bin cu un splicacion con e realcion di Glenbert y Francisco ta hinca den otro awendia pasobra manera tur cos ta mustra un di e contactonan mas importante di Glenbert na Venezuela ta Francisco Gonzalez . Evelyn ta purba awo pa drenta den e exito di reapertura di e refineria y kizas no tin un idea kende ta e personanan cu Glenbert ta gaba cu por a yuda cu e reapertura di e planta. Desde cu e noticia a drenta na Aruba cu Francisco Gonzalez a worde aresta na Venezuela pa manda Spaña a worde enfatisa na Aruba cu e persona aki ta un socio di Glenbert.

Ya caba pa basta tempo tabatin un miedo ariba nos isla cu husticia Mericano por a pidi extradicion di Glenbert en conexion cu su relacion cu Dino Bouterse cu a worde condena pa 15 aña di prison na New York, Tempo a pasa y tabatin un alivio ariba nos isla cu Glenbert a libra di husticia di Merca. Awo tin un otro peliger.

Glenbert  tabata vise presidente di entre otro  Suroil, e compania cu  a pidi Nel Oduber pa h aya e refineria di Aruba. Francisco a worde aresta pa crimennan cu e lo a comete en todo caso na Spaña y por ta cu e compania cu Francisco a usa pa comete su crimennan ta un di e companianan cu Glenbert ta vice presidente di dje. Awo cu Evelyn ta trata di drenta den e reapertura di nos planta mester yega na haya e informacion di kende ta a e personanan cu na Venezuela ta duna Glenbert e idea cu nan por yuda Glenbert cu habrimento di e planta na San Nicolas.

- Advertisement -

DUNA COMENTARIO

Please enter your comment!
Please enter your name here