Home General Autobusnan ta para banda di taxistanan

Autobusnan ta para banda di taxistanan

0
0
SHARE
- Advertisement -

Tin hopi preocupacion riba cambionan den ley

Autobusnan ta para banda di taxistananORANJESTAD (AAN):  No ta solamente e taxistanan ta rabia , pero e autobusnan tambe no ta contento cu e decision tuma door di minister di transporte  pesey mes e autobusnan a uni hunto y para tras di e taxistanan unda cu nan tampoco no ta di acuerdo cu e M.B  artikel 2, actualmente ta pasando un situacion cu un colega a fayece y tambe ta pendiente kico ta e pasonan cu e mandatario lo tuma.

Pa e autobusnan e cambionan aki  algo inaceptable. Segun representante di autobusnan Lisette Winklaar cu e autobusnan tampoco no ta diacuerdo cu e puntonan cu e minister di transporte kier bin cu ne, pesey mes ta para hunto cu e taxistanan debi cu e situacion aki ta inaceptable.

Sinembargo na e momentonan aki e autobusnan ta pasando den un situacion unda cu un colega di nan a fayece y den e caso aki lo mester bay mira kico ta e decision cu e mandatario lo bay tuma riba e permiso ey. Mirando cu e persona a muri algun dia atras y awor tin un  M.B  nan dilanti cu a bin na Vigor prome di juni.

Ta spera cu e caso aki ta cay den e ley prome unda cu e famia lo por sigui core e autobus di su tata pa asina sigui mantene e famia, esaki ta cay den e ley bieu. Sinembargo locual cu e mandatario kier haci na e momentonan aki ta cambio na dje awor aki den un caso asina e por trek in e vergunning y e mandatario lo dicidi kende lo e duna, sinembargo den e regla bieu famia tin derecho riba dje.

Na e momentonan aki autobusnan ta tras di e taxistanan . E trabao di e personanan cu ta traha den e mundo di transporte publico no ta facil tur dia nan ta Sali di nan trabao y cu ta core diferente risico riba caminda. Si un dia ta e caso cu nan mester haya un accidente y keda invalido cu e ley cu e mandatario kier bin cu ne den un caso asina e vergunning ta cay den man di otro persona eynan caba ya no tin entrada pa e famia cu e chauffer debi cu e la haya un accidente, siendo cu den e ley bieu un otro miembro di famia por sigui traha pa asina mantene e famia.

Representante di autobusnan ta duna di conoce cu na momento cu e permiso cay den man di otro hende kico ta pasa cu e famia di esun cu a bira malo? Esaki ta e puntonan di preocupacion cu e autobusnan tin y ta haci un apelacion pa e mandatario evalua su decision den e parti aki.

Segun representante di autobusnan nan no ta depende di pension tampoco, pesey mes cu si sa cu e permiso ta keda den man di yiunan si algo mester pasa ta kere cu ta mas cu husto y ta kere cu e yiu por ta un steun pa e famia na e momento ey y cu trabao ta sigui cu e famia por keda biba trankil. Actualmente e autobusnan hunto cu e taxistanan ta acumulando firma pa asina uni mas y na momento bay cerca e mandatario.

- Advertisement -

DUNA COMENTARIO

Please enter your comment!
Please enter your name here