Home General Awor ta pretende di bin cu un modelo economico venezolano na Aruba

Awor ta pretende di bin cu un modelo economico venezolano na Aruba

0
0
SHARE
- Advertisement -

Opinion Publico: si na Venezuela mes tin un guera economico!

Awor ta pretende di bin cu un modelo economico venezolano na ArubaORANJESTAD   (AAN):    Ta mas cu conoci cu e situacion na Venezuela ta den un caos total. Hopi fabrica a cera nan produccion y miyones di persona ta bibando den un situacion lamentable.

     E consecuencianan di esaki a wordo refleha na nos isla ora cu nos a experiencia un exodo di venezolanonan cu tabata drenta Aruba buscando productonan pa cumpra of pa bende. Cambia nan dollarnan, etc.

   E exodo aki a disminui, sinembargo por mira cu loke ta pasando na e pais bisiña ta critico. Ainda asina mes, den e dianan aki por a constata cu ta bin cu e idea di un “modelo economico venezolano”. Acaso Gobierno di Aruba no sa kico ta pasando na Venezuela? Di loke e poblacion ta pasando aden? Di e crisis alimentario, den mundo di salud y comercial?

  Venezolanonan mes bibando na Aruba a duna di conoce cu nan mes no kier bay nan pais ni pa pasa vakantie. E hecho di pasa door di Maiquetia ta duna nan stress. Corda yega na un pais cu no ta esun cu nan a nace y lanta.

    Esnan cu por a prefera di bay biba afo. Nan a bay Merca of tin esunnan cu a bin cumpra un propiedad na Aruba. Pero e gran mayoria ta bibando den un situacion precario unda no tin productonan ni alimentonan disponible como tampoco tin medicinanan pa esnan cu ta sufri di un maleza. Muchanan inocente ta muriendo di cancer, hendenan ta muriendo di diferente maleza den e hospitalnan cu ta den un condicion inhumano.

     DIARIO a ricibi diferente comentario mirando e hecho cu gobierno di Aruba awor ta masha interesa den un relacion bilateral cu e gobierno di Venezuela. “Ki sorto di relacion Aruba por cera cu Venezuela si ayanan no tin ni pa nan mesun hendenan”, un lector a comenta.

   Siman pasa tabata tin bishita na Aruba di un delegacion di Venezuela, entre nan e minister di Comercio y nan a reuni cu entre otro Minister Croes y Minister de Meza.  Hopi persona den nos comunidad no ta contento cu loke a sali caba den publicidad.

     Segun comentarionan, na Venezuela mes tin un guera economico producto di e maneho di Nicolas Maduro.  Awor ta pretende di bin cu un modelo economico venezolano na Aruba?  “Please, bin bij”, un otro lector a expresa.

    Mas y mas yamada ta drenta na nos mesa di redaccion unda e lectornan ta opina y ta sigui expresa nan punto di bista riba loke awor gobierno ta purba di haci djis pa show politico.

- Advertisement -

DUNA COMENTARIO

Please enter your comment!
Please enter your name here