Home Hudicial Caso placa scondi den galiña lo worde trata na September

Caso placa scondi den galiña lo worde trata na September

0
0
SHARE
- Advertisement -

Tur tres sospechoso a presentaden Corte

ORANJESTAD (AAN): Diahuebs mainta e tres sospechosonan di labamento di placa: J.D.S., R.G. y R.H. a presenta dilanti Hues manera a keda palabra na April 2016, despues cu Hues a fiha un deposito di 40 mil Florin cada un pa nan haya nan libertad pendiente di e caso penal.

   Ta asina cu anterior Fiscal a bisa cu e investigacion a cuminsa via Merca pero na dado momento a cuminsa investigacion paralelo na Hulanda. Merca tabata investigando un otro caso di droga y durante tap a bin dal den e caso aki. E tin combersacionnan interesante. Segun Fiscal, autoridad Mericano kier mas tempo pa determina si cu e informacionnan cu tin por cuminsa caso penal. Na opinion di Fiscal, e ta mara na tratado di Merca pa haya sa kico autoridad Mericano lo haci pa asina determina kico lo bay haci cu e caso.

    CASO NA SEPTEMBER:

   Riba Diahuebs, Fiscal a bisa cu ya a haya informacionnan for di Merca y esey ta haci cu awor por fiha un fecha pa tratamento di e caso. A keda palabra cu dia 23 September 2016 lo bay trata e caso aki.

    PLACA SCONDI DEN GALIÑA:

    E acusacion cu Fiscal a presenta anterior contra e trio aki ta cu den e periodo di prome di Juni 2013 te 30 di Juni 2015 na Aruba y/of Hulanda y/of Venezuela, conhuntamente cu un otro of otronan, a haci un costumber di laba placa door di sconde e placa den container di galiña prepara cu tabata bin for di Hulanda.

Ta asina cu e sospechoso J.D.S. tabata deteni na Venezuela y despues di un proceso di extradicion awor e ta na Aruba. For di investigacion a saca afor cu e lote di placa ta yega aki Aruba for di Hulanda y despues un parti ta worde manda Venezuela pa J.D.S.

   E sumanan aki tabata worde scondi y/of paketa den papel y/of plastic y/of sconde nan den galiña, warda nan den freezer di un compania na Hulanda y/of pone nan den container meymey di otro cosnan y transporta nan pa Aruba.

Na Aruba e galiñanan ta worde warda den freezer di un negoshi. Despues nan ta worde entrega na R.G. y R.H., kendenan despues ta manda un lote pa Venezuela pa J.D.S.

   Tabata traha documentonan pa laga mustra cu e galiñanan ta destina pa e compania na Aruba mientras cu e placa ta procedente di crimen.

  1. ta worde acusa di, den e periodo di prome di Juni 2013 te 30 di Juni 2015, conhuntamente cu un otro of otronan, a varios biaha importa placa, of a exporta, sin a meld esaki na inspecteur di invoerrechten en accijnzen.

- Advertisement -

DUNA COMENTARIO

Please enter your comment!
Please enter your name here