Home General Diadomingo ta Dia Mundial di Medio Ambiente

Diadomingo ta Dia Mundial di Medio Ambiente

0
0
SHARE
- Advertisement -

Go Wild for Life

Co_Branding_4_A
Co_Branding_4_A

ORANJESTAD (AAN): Diadomingo dia 5 di Juni, ta “Dia Mundial di Medio Ambiente”.  Go wild for life!  Aki pa medio di e grupo local di Rainbow Warriors International, a ricibi un mensahe di Achim Steiner, secretario general UNEP cu un nota adicional.

    Na 2016, nos enfoque pa Dia Mundial di Medio Ambiente ta e lucha contra e comercio ilegal di bida silvestre, tanto animal como vegetal..

Angola, e anfitirion e aña aki pa Dia Mundial di Medio Ambiente a compromete su mes pa actua riba e tema aki, por ehempel door di a fiha un plan di maneho nobo pa cu conservacion di elefante, fortaleciendo e aplicacion di leynan pa proteccion y maneho di naturaleza y regulacionan pa cu comercio di acuerdo cu obligacionan di e tratado di CITES.

Nos ta sostene e accionan di Angola pa cu e bon causa aki.

   Miles di especie rond mundo ta bao menaza y ta merece nos atencion, pero awe nos ta para keto pa trata 8 especie en particular, esta Orangutan, Tortuga di laman, Pangolin, Rosewood (un especie vegetal) , Helmeted Hornbill (un parha), Tiger, Elefante, y Rinoceronte. E reto ta formidable.

   For di 2010 te cu 2012, 100,000 elefante a ser mata ilegalmente pa nan marfil (ivoor) y rinocerontenan ta ser pusha te na borde di extincion.Pangolin awor ta e mamifero (zoogdier) mas trafica ilegalmente na mundo principalmente pa consumo humano den paisnan asiatico Presion adicional, manera perdida di habitat, cambio climatico ta impulsa mas especie den direccion di extincion.

   E lucha mundial contra e comercio ilegal di especie silvestre ta manifestando un compromiso nobo y yamadanan pa accion fuerte. Y e tema aki a subi como prioridad den e agenda di Naciones Uni y awor ta ancla como tema clave den e agenda nobo pa desaroyo sostenibel den e 2030 Agenda for Sustainable Development.

   E tambe ta e enfoque di un campaña nobo di Naciones Uni, dirigi pa UNEP, UNDP, UNODC y CITES pa aumenta e concientizacion pa cu e comercio ilegal y reduccion di e demanda pa especienan vegetal y animal di bida silvestre of productonan deriva di esakinan.

   E  campaña “Wild for Life” ta enfatisa cu e hamber pa placa, moda,  ignorancia, indiferencia, inversion ilicito, corupcion,  uso pseudo-medicinal y creencia cultural no por ta causa pa menaza di cualkier especie.

   E ta un ciclo di pobreza y corupcion cu ta conduci na crimen contra bida silvestre, cual awor nos ta obliga pa kibra. E ta e ciclo aki na unda esnan mas pober y vulnerabel na mundo ta ser forza en contra di conservacion di recursonan natural pa simplemente por sobrevivi en vez di utilliza e recursonan aki den un forma sostenibel pa un mihor futuro, cual nos tin cu atende cu ne awor.

   Nos mester mira e tema aki door di e bril di desaroyo sostenibel, cu su  implicacionan pa transparencia y impacto global. Nos mester uni tur esfuerzonan pa confronta e reto aki, y nos tur mester ta riba un linea pa cu esaki. Nos mester pensa na un manera global y local alavez..Y nos mester mustra zero tolerancia pa cazeria y comercio ilegal di bida y producto silvestre.

    Nos ta urgi un y tur pa den nan esfera di influencia yuda caba e comercio ilegal di especie silvestre door di tuma parti den e campaña aki y haci un compromiso personal. Actua awor!

   Nos esfuerzonan colectivo lo determina e futuro di e animalnan aki y miles di especie mas.

   Hunto nos mester “go Wild for Life”.

   Na Aruba tin un di e 8 especie di enfoque cu merece nos atencion esta tortuga di laman.  Tur cuater especie di tortuga cu ta broei na Aruba y ta pone webo riba beach ta menaza. Utilizando e informacion di e asina yama IUCN Red List  nos ta yega na e siguiente informacion:

   (*) Caretta caretta, Loggerhead Sea Turtle (Cawama)

IUCN Red List: Vulnerable

www.iucnredlist.org/details/3897/0

   (*) Chelonia mydas, Green Sea Turtle (Tortuga Blanco)

IUCN Red List: Endangered

www.iucnredlist.org/details/4615/0

   (*) Dermochelys coriacea, Leatherback Sea Turtle (Driekiel)

IUCN Red List: Vulnerable

www.iucnredlist.org/details/6494/0

   (*) Eretmochelys imbricata, Hawksbill Sea Turtle (Caret)

IUCN Red List: Critically Endangered

www.iucnredlist.org/details/8005/0

    Esaki ta e especienan cu merece mas proteccion directo na Aruba y pa e razon aki nos ta aplaudi e trabaonan di Fundacion Turtugaruba pa nan esfuerzonan hunto cu WIDECAST pa conservacion di e especienan aki na Aruba y den Caribe.

   Pa nos otro especienan local e perdida di habitat ta e menaza mas grandi y nos un y tur mester percura cu conservacion di naturaleza nunca por ser sacrifica pa desaroyo economico, ya cu esaki no ta cuadra cu desaroyo sostenibel manera delinea den e 2030 Agenda for Sustainable Development di Naciones Uni.

- Advertisement -

DUNA COMENTARIO

Please enter your comment!
Please enter your name here