Home General E ponencianan cu Gerrick Croes a trece dilanti a worde desbarata y...

E ponencianan cu Gerrick Croes a trece dilanti a worde desbarata y pa e mesun motibo a perde e caso contra MEP

4
0
SHARE
- Advertisement -

Mr Anthony Ruiz:

E ponencianan cu Gerrick Croes a trece dilanti a worde desbarata y pa e mesun motibo a perde e caso contra MEPORANJESTAD(AAN): A acerca abogado Anthony Ruiz, pasobra tabata pendiente pa un posibel decision di hues relaciona cu un caso, un demanda contra di partido MEP, di parti di un ex candidato. Diabierna mainta a bin un sentencia riba e caso aki cu a sali na fabor di MEP, na unda cu sr. Gerrick Croes a demanda MEP y e integrantenan di e partido, no expresa nan mes, principalmente e lider di MEP y presidente di MEP, no a expresa nan mes malo riba Gerrick Croes.

   Tambe pa dentro di 24 ora despues di e sentencia pa bin cu un rectificacion y tambe el a pidi un demanda di daño y perhuicio. E demandanan cu el a haci a worde nenga, pasobra den ningun manera e por a comproba cu e presidente di MEP y lider di MEP a papia malo di dje y su famia.

   Tambe, e rectificacion cu el a pidi ta sin base, pasobra cu tur locual lider di MEP y presidente di MEP, sr. Gerrit Croes a expresa nan mes, tabata den algemene bewoordingen, pues palabranan en general locual a pasa. Den ningun momento a papia di ladronicia, di kico ke sea. Eigenlijk e peticion di sr. Gerick Croes tabata pa prohibi MEP di papia. Si wak bon locual a worde papia door di lider di MEP y presidente di MEP, tabata algo gewoon normal, djis conta riba e caso. E ponencianan cu sr. Gerrick Croes a trece dilanti a worde desbarata y pa e mesun motibo a perde e caso y tin cu paga parcialmente e gastonan di abogado tambe.

Segun Ruiz, a haci un intento pa dialoga, pero no a yega na otro. Pesey mester a informa corte pa bin cu un sentencia.

Sr. Gerrick Croes a bay corte contra MEP pasobra a sali den publicidad cu e a malversa placa. Ruiz a sigui splica cu Gerrick Croes a desmenti cu el a malversa placa. Den e sentencia ta para cu ta su casa a malversa placa y no e. Placa a worde malversa y esey MEP ta haya hopi lamentable cu door di un sentencia asina aki, esey ta sali den publicidad. Ningun momento nan tabata kier pa algo bin riba papel, pasobra na Aruba, tur hende ta specula. Tur hende por haci redo. Tin algo riba papel cu ta mustra cu esey a pasa y tabata MEP su deseo no sali na cla y siguramente nunca bin den un sentencia cu por perhudica Gerick Croes y su famia.

Ruiz a agrega cu locual ta worde pidi no tabata cuadra locual tur dos tabata kier. Ruiz no a bay den detaye pasobra locual cu MEP ta spera awor aki, cu e caso aki caba awor y cu tur hende por sigui dilanti y nan ta desea Gerick y su famia tur lo miho posibel pa futuro y a compronde den informenan cu ta haya cu trabao a worde ofreci caba na dje. Ta contento di tende esey. No sa si ta speculacion of no, pero en todo caso contento pa tende esey y spera cu e caso termina awor aki, Ruiz a splica.

E abogado a sigui splica cu a hiba por ehempel di 24ora.com a haya un prueba cu supuestamente a worde bisa cu lider di MEP of presidente di MEP a publica e ad cu a sali den 24ora.com. MEP no a publica e advertencia aki y claramente 24ora.com tambe a bisa cu no ta bay bisa di ken a saca e informacion aki pasobra tin secrecia di e fuentenan cu ta duna e informacionnan aki.

E motibonan di retiro a worde uza den corte. E caso aki a bay mas riba e rectificacion cu e parti laboral di e caso y como cu esey no ta den e caso aki, Ruiz no tabata kier a expresa esey riba dje.

- Advertisement -

DUNA COMENTARIO

Please enter your comment!
Please enter your name here