Home General No duda cu gobierno ta compila y presenta cuenta di loke cu...

No duda cu gobierno ta compila y presenta cuenta di loke cu ta trata e presupuesto

0
0
SHARE
- Advertisement -

Minister Angel Bermudez:

No duda cu gobierno ta compila y presenta cuenta di loke cu ta trata e presupuestoORANJESTAD(AAN): Oposicion a bay bishita Banco Central y a bin cu un splicacion cu loke nan ta haya di nan ta miyones pa loke ta deficit. Minister di Finanzas, Angel Bermudez ta opina cu Banco Central mester splica esaki.

   Ta asina cu gobierno tin un base legal cu ta e ley di contabilidad riba cual e ta traha su presupuesto anual. E presupuesto ey ta bay Raad van Advies. Awendia e ta bay tambe colegio di supervision CFT y despues e ta bay den Parlamento caminda e ta worde discuti y finalmente formalisa y aproba.

   Den aña cu e presupuesto, manera e aña aki, a base di e ley LAFT cu tin for di aña pasa, tin cu raporta cada tres luna con e ta bay cu e ehecucion di e presupuesto y caminda cu e colegio ta duna su comentario, caminda cu e ta wak, e ta vigila si nos ta dentro di e limitenan di e presupuesto y ta mustra riba cierto retonan cu por tin cu nan ta wak como riesgo den curso di aña cu tin cu bay tene cuenta cun’e. Ora cu aña pasa ta haya cu tin cu traha e cuenta anual, con ta bay cu e ehecucion total den e aña cu a pasa.

   E cuenta anual ey tambe ta bay colegio di CFT. E ta worde controla pa Contraloria general y despues tambe e ta worde delibera, e ta worde discuti y despues aproba, formalisa den Parlamento. Esey ta a base di ley di Contabilidad, ley di LAFT, etc. Eyden ta haya exactamente e indicator y factornan cu tin cu uza ora cu ta traha e cuadra di e cifra, e presupuesto y e cuenta anual. Esey ta haci y ta un tarea di supervision di colegio CFT cu berdad ta tene na e normanan di ley.

   Esey naturalmente no ta kita cu cualkier oficina di accountant, of cualkier instituto, cualkier experto por tambe composita un cuadra cu e cifranan, cu dado momento ta publico. E por compilanan manera e ta hiba di bon. Si ta asina, ora cu e composicion, cu un hende of instituto traha, ta yega na un otro imagen, un otro conclusion, un otro resultado, ta na su luga cu e compositor splica a base di loke el a aplica, den su cuadra, kico a causa e cierto diferencianan ey.

   Gobierno cierto momento ora a wak esaki surgi, departamento di finanzas a sinta cu Banco Central y a yega na un splicacion di henter e diferencia, cu segun ainda 10 miyon ainda cu falta cu tin cu worde splica, cu ta menos di 1% di e presupuesto.

   Segun e minister, basicamente si wak tambe cu colegio CFT tambe a comenta y a bay di acuerdo cu e cifranan cu a presenta over di e aña 2015, en espera tambe di e cuenta anual 2015 cu ta den preparacion y cu den algun luna mester ta den parlamento, e minister ta kere cu no mester tin ningun motibo pa duda cu gobierno ta compila y cu gobierno ta presenta pa duna cuenta di loke cu ta trata e presupuesto.

   E minister a tuma nota cu aki aya Centrale Bank ta worde cuestiona. Semanalmente e minister y e presidente di Banco Central ta sinta hunto y elabora riba e desaroyonan cu ta tumando luga den nos economia y tambe e sector financiero y un biaha pa luna ta sina no solamente cu e presidente, pero tambe cu e presidente di hunta di comisario di Banco Central y tin cu bisa cu den tur e encuentronan ey, te cu awe, ningun momento so a worde treci dilanti cu sea e minister mes, ta haya falta di respet of si tin falta di respet di su persona pa Banco Central. Esey ta un observacion eroneo y totalmente infunda y incomprendibel.

E minister a sigui splica cu dialuna en general, si tur dos ta presente na Aruba, refiriendo na e minister mes y e presidente di Banco Central, tin un encuentro na despacho di e minister y semper e prome dialuna, e encuentro ta na Banco Central, caminda ta haya presentacionnan di banco central pa e ultimo desaroyonan y tambe hunta di comisario lo sinta hunto. Y otro siman esey lo ta e caso atrobe.

   Ta un acuerdo cu ta continuo den agenda, cu tur siman ta sinta na mesa, e minister a conclui.

- Advertisement -

DUNA COMENTARIO

Please enter your comment!
Please enter your name here