Home Hudicial Preso lomba sunu y pia abao a reclama maltrato y trato inhusto...

Preso lomba sunu y pia abao a reclama maltrato y trato inhusto di Polis

0
0
SHARE
- Advertisement -

Preso lomba sunu y pia abao a reclama maltrato y trato inhusto di PolisORANJESTAD (AAN): E homber di Colombia biba na Aruba, L.F.M. a presenta dilanti Hues lomba sunu y pia abao. Miembro di CEA a adverti Hues cu L.F.M. a worde treci di warda di Polis, relaciona cu e kimamento di celnan na KIA. L.F.M. a critica e trato y maltrato ricibi di Polis siendo segun e, e no a haci nada.

    ACUSACION:

    E acusacion cu Fiscal a presenta contra L.F.M. ta el a haci un atraco arma hunto cu e homber S. E caso a bin dilanti pro forma. Fiscal a propone na Hues pa pospone e caso pa dia 26 Augustus 2016 pa 8.30 di mainta. Fiscal su idea ta pa e dia ey trata e caso di tanto L.F.M. y S. cu ta worde considera complice, hunto.

    PRESO RECLAMA MAL TRATO:

    Hues a bay di acuerdo cu e proposicion di Fiscal. E sospechoso L.F.M. a pidi Hues pa e papia. Hues a dun’e permiso pa papia y L.F.M. a reclama na yoramento con el a worde maltrata. E tabata mustra Hues na su curpa marcanan di maltrato. El a bisa cu e no tin nada di haci cu e kimamento di celnan na KIA pero a worde trata mescos cu ta e ta envolvi.

Na yoramento el a bisa cu ta un abuso esaki ta. L.F.M. hopi emociona di rabia a bisa cu nan no ta cacho. Nan ta ser humano. El a bisa cu e no tin ningun paña. Abogado mr. Kock a reclama con por ta posibel cu e sospechoso no tin paña drechi.

Hues a mustra comprension pa e sospechoso y a bira mira Fiscal. Fiscal a bisa cu a tuma e decision cu ta saca un cantidad di presonan pa asina facilita cel pa esnan mas peligroso. E ta compronde cu e sospechoso no tin nada di haci cu e kimamento y e lo bay percura pa drecha e situacion di L.F.M.

- Advertisement -

DUNA COMENTARIO

Please enter your comment!
Please enter your name here