Home General A cobra 1.4 miyon Florin for di barconan ancra rond Aruba

A cobra 1.4 miyon Florin for di barconan ancra rond Aruba

21
0
SHARE
- Advertisement -

MARITIMO

Den apenas prome mitar di 2016…

ORANJESTAD (AAN): Minister Otmar Oduber dialuna mainta durante rueda di prensa semanal di Gobierno di Aruba a comparti un ‘update’ di e entrada general di e barconan cu a hancra den nos awanan teritorial. Cifranan hopi positivo pa locual ta trata e prome 6 lunanan.

   Den e prome 6 lunanan di aña 2016, a cobra 2,332 barconan cu a ancra den awanan teritorial y esaki ta 21 porciento mas halto cu aña 2015.  Ta trata aki di un averahe di 389 barco pa luna cu ta un 13 barco pa dia cu ta genera fondo adicional pa Aruba.

  Pa e prome mitar di aña 2016 esaki a genera un suma di 1.4 miyon Florin pa caha di Gobierno. Minister Oduber ta comparti cu e ta sobrepasa e cifranan cu a premira y tin tur indicacion cu lo cera aña 2016 cu 3 miyon Florin genera di e industria aki. Adicional Minister Oduber a comenta cu no a mercadea e posibilidad aki mes ainda, pues te cu awor ta trata di barconan cu ta scoge e opcion di hancra na Aruba riba nan mes. Directie Scheepvaart tin tur intencion pa inicia cu mercadeo di e opcion aki dentro di poco.

Awor no solamente Aruba por gosa di un entrada adicional pero ta bin acerca e aspecto di siguridad tambe cu awor ta un colaboracion entre otro di Havenmeester, Directie Scheepvaart y Kustwacht.

- Advertisement -

DUNA COMENTARIO

Please enter your comment!
Please enter your name here