Home General Calidad di bida di e habitantenan ta mehora grandemente cu bunita infrastructura...

Calidad di bida di e habitantenan ta mehora grandemente cu bunita infrastructura pa reaccion y haci deporte

2
0
SHARE
- Advertisement -

Green Corridor ta encera mucho mas un caminda di cuatro via

ORANJESTAD(AAN): Mehoracion di infrastructura den e Proyecto Green Corridor, ta encera mas cu un caminda bunita, amplio y moderno cu ta ta regla e fluho di trafico. Green Corridor ta cumpli grandemente cu e meta y vision di Gabinete Mike Eman cu ta mehoracion di calidad di bida di e ciudadanonan di Aruba.

   Mehoracion di calidad di bida pa e Gobierno aki ta un asunto importante. Ta importante pa e ciudadano y su bario tin tur e facilidadnan pa por socialisa y mehora di e forma aki e bida diario. Den cuadro esaki cada proyecto cu Gabinete Mike Eman ta ehecuta ta enfoca primeramente riba e calidad di bida di e ciudadano mehorando e ambiente di bida den su bario.

  Prome Minister Mike Eman regularmente ta bishita proyectonan di su Gobierno. Diahuebs e bishita tabata na Green Corridor y tur loke e proyecto ta encera pa e barionan. “Cu e bishita aki nos kier a repasa progreso di e proyecto, pero parti di e bishita aki ta pa intercambia di pensamento cu e hendenan di ODINSA – empresa cu ta ehecuta e trabao – riba espacionan publico, e areanan di recreaccion y deporte,” Prome Minister Eman a splica na e lugar.

   Gobierno a pidi ODINSA pa percura cu entre e espacio di Spaanslagoen te cu San Nicolas ta inclui areanan entre e casnan y careteranan cu mester worde embeyece cu hopi mata pa sombra y un ambiente agradabel. Gobierno kier pa e ciudadano sinti cu su calidad di bida a mehora. Den e bario di Pos Chiquito por a mira cu tin un looppad cu a worde poni decora cu klinkers y tambe tin un caminda cu ta core na banda di e caminda principal. E diseño aki ta trece cune tambe cu e habitantenan no ta bay haya nan mes mas confronta cu stof cu ta drenta nan cas.

    No solamente a construi e looppad y entrada pa e casnan na Pos Chiquito, pero tambe Gobierno a pidi ODINSA pa haci bon uzo di espacionan publico pa e ciudadano sinti cu nan ta biba den un bario di 5 strea. E habitantenan di Pos Chiquito, mescos cu na 12 otro punto mas riba e ruta di Spaanslagoen pa San Nicolas, ta bay haya un area cu parke y canchanan deportivo. “E 13lugarnan aki nos a marca como hopi importante pa nos barionan,”Prome Minister Mike Eman a bisa.

   Semper Gobierno a pone enfasis cu e caretera nobo y esnan cu ta worde renoba no ta solamente pa trece un mehoracion den e fluho di trafico. Pero cu esaki tin su influencia tambe riba un miho calidad di bida di e ciudadanonan. E biahe diario entre e dos bandanan di e isla ta trece un reduccion di tempo cu e automobilistanan ta pasa riba caminda.

   Tempo cu por dedica na famia, disfrutando por ehempel di e areanan di recreaccion cu Gobierno ta construyendo rond Aruba. Esaki ta e meta final di Gabinete Mike Eman II pa e poblacion di Aruba.

- Advertisement -

DUNA COMENTARIO

Please enter your comment!
Please enter your name here