Dos homber deteni pa horta articulonan di construccion

ORANJESTAD (AAN): Diabierna marduga persona atento a mira dos homber sospechoso ta cana rond di un cas den construccion na Sero Blanco y a raporta na Polis di biaha.

   Patruya di biaha a yega na e lugar y topa cu e dos hombernan y un di nan a sali na careda core pa Polis y e oficial a persiguie na pia y detene.

   Ambos homber a keda deteni na elugar y e van tabata carga cu materialnan di construccion cla pa hiba. E hombernan a duna di conoce cu di San Nicolas nan ta y nan a baha for di pariba pa bin horta pabou.