Home Editorial Editorial: E MINISTRO DI TURISMO

Editorial: E MINISTRO DI TURISMO

366
0
SHARE
- Advertisement -

jossy_mansur_picPa ningun hende haya e impresion robes for di un articulo cu a sali ayera den e matutino aki, comosifuera ta DIARIO a skirbie, lagami aclarea di un biaha pa tur. Nos ta para cu Otmar Oduber pasobra el a haci  un tremendo trabao como Ministro di turismo pa AVP y Aruba. Ey no tin un mal impresion posible pasobra su labor como Ministro di tal departamento ta papia pa su mes. Cualke problema cu por ta existi dentro di e partido na mando ta un asunto interno cu nan mes mester y por resolve.

    Lo contrario di e articulo ta cu DIARIO ta respalda Otmar  pasobra nos ta kere den den dje, den su capacidad, den su amor pa su isla cu tanto el a beneficia cu un progreso indiscutible den e area di turismo. Mi ta laga e badabada cu a sali den e articulo pa e mentalidad hopi chikito di esun cu a skirbie y no tabata tin e curashi di pone su  nomber bao di dje, sino cu e kier a lague pasa como algo di DIARIO mes.

    No, shon reportero, bo ta hopi ekiboca pasobra nos ta sostene un opinion y criterio completamente diferente na esun expresa ayera. Nos ta kere den Otmar Oduber y ta considere como un Ministro ehemplar, cu a pone tur su esfuerzonan riba mesa publico pa hiba un maneho pro-Aruba. Lo demas ta puro haladuria mezcla cu shisheria.

    DIARIO ta kere den Otmar y lo para cune den e noble tarea cu e tin pa sigui consolida e pilar economico di nos isla, cu ta turismo. E por conta cu e apoyo incondicional di DIARIO den esey.

- Advertisement -

DUNA COMENTARIO

Please enter your comment!
Please enter your name here