Home Hudicial Patrick Maxwell ta apela pasobra 4 aña di prison pa maltrato contra...

Patrick Maxwell ta apela pasobra 4 aña di prison pa maltrato contra taxista di 70 aña ta demasiado

5
0
SHARE
- Advertisement -

Patrick Maxwell ta apela pasobra 4 aña di prison pa maltrato contra taxista di 70 aña ta demasiadoORANJESTAD(AAN): Patrick Maxwell, e homber turista Mericano cu a agredi, purba viola, pasa taxi riba e victima y horta su auto, ta sinti cu e sentencia di cuater aña cu el a haya di huez pa tur cos proba den corte ta demasiado.

   El a expresa su mes den direccion di su victima dia fiscal a pidi cinco aña pe despues di tratamento di e caso. El a pidi su victima despensa y tambe despensa na su famia cu tabata presente.

   Mientrastanto dos siman despues di scucha e peticion di fiscal contra dje na castigo, huez a dicta sentencia. Aki a dune un castigo di cuater aña di prison. Cu otro palabra a baha e castigo cu un aña mas.

   Kitando 1/3 parti di VI nifica cu e lo sinta menos cu tres aña den prison di Aruba. Asina mes diahuebs a drenta informacion cu e acusado lo apela. Ya caba el a worde representa pa dos abogado den corte di prome instancia. Awor aki e lo no haci uso di un di e abogadonan aki mas. E lo busca otro abogado. Dia cu e castigo a cay di cuater aña, ta basta reaccion a drenta den e pueblo. Nan a compara e castigo pa un caso asina na Merca cu esun di Aruba.

   Na Merca bo ataka un taxista of asalta un taxista bo ta den problema serio. Na Aruba pa agredi, pasa auto riba un taxista, horta e auto y purba viola e taxista di 70 aña, cuater aña ta suficiente segun huez.

  Pa e acusado esaki ta demasiado. Awor ta cuestion di spera e apelacion worde trata den corte superior cu presencia di tres huez. Aki nan lo dicidi si lo hisa e castigo, tene mesun castigo of baha e castigo manera ta deseo di e acusado Patrick Maxwell. Pa e pueblo ta spera mucho mas castigo cu cuater aña. Pero tin biaha decisionnan di huez ta algo dificil pa compronde. E victima mes a keda hopi tempo interna casi sin por papia y hala rosea mirando e golpinan tur rond di su curpa. Basta ribchie a worde fractura. A dura pa e recupera. Lo ta interesante pa mira ki castigo corte superior lo bay dicta den e caso serio aki cu a impacta e comunidad y hasta capta atencion internacional.

- Advertisement -

DUNA COMENTARIO

Please enter your comment!
Please enter your name here