Home Politica Bisa cu e parkeermeters tey pa paga e tram ta un gran...

Bisa cu e parkeermeters tey pa paga e tram ta un gran mentira

0
0
SHARE
- Advertisement -

Minister Otmar Oduber:

Bisa cu e parkeermeters tey pa paga e tram ta un gran mentiraORANJESTAD (AAN) – Minister Otmar Oduber, titular di Turismo, Transporte, Cultura y Sector Primario a reacciona riba un declaracion di Parlamentario mr. Andin Bikker, den conferencia di prensa di diamars.

Parlamentario mr. Bikker a trece dilanti cu e comerciantenan den Caya Grandi no tin benta, y cu esaki ta debi basicamente na e hecho cu Caya ta keda cera pa trafico y na e parkeer meters. Ademas, el a indica cu e tram no ta genera turistanan cumprado pa Caya Grandi, y cu e parkeer meters a wordo introduci pa paga e tram.

Minister Otmar Oduber a menciona cu no ta asina cu comercio den Caya no ta bende. E mes a combersa cu algun negociante cu tin tienda den e area comercial aki, y nan a bisa cu si tin benta, logicamente cu ups & downs. Locual a sali na cla, segun e mandatario, ta cu mester haci Caya Grandi mas atractivo y tin combersacionnan andando riba esaki. Por ehemplo, crea mas ambiente por ehemplo mas musica, presentacionnan cultural, diversifica e producto, etc. El a pone como ehemplo e tienda di productonan di Aloe cu ta funciona masha bon mes, y esaki pasobra nan ta brinda un producto diferente y hopi gusta tanto pa turista como pa nos mes hendenan.

El a refuta completamente e ponencia cu e parkeer meters a wordo traha pa paga e tram. Tram ta un servicio cu ta pagando su mes practicamente cien por ciento, door cu a aumenta e tax pa e turistanan cu ta drenta Aruba te na 8.5 porciento, pa nan tin acceso na e tram como tambe na e museonan. Pesey, e titular a bisa, Parlamentario Bikker a bin dilanti cu un gran mentira.

E mandatario a señala cu si e turistanan cu ta uza e tram no ta baha den Caya ta pasobra nan no ta mira algo atractivo cu nan ta interesa den baha cumpra. Por cierto, e argumento aki ta coincidi cu hopi hende cu a tuma contacto cu nos redaccion riba e mesun tema. Tin tiendanan cu tur ta bende mesun producto mientras cu nos consumidornan y e bishitantenan ta buscando algo otro.

Minister Otmar Oduber a indica cu antes, cu e turistanan no tabata tin e trama, nan no tabata conoce Caya mes. Nan no tabata cane di punta pa punta. Awor, alomenos den e tram, nan tin un bista completo di Caya Grandi y si hunto cu comercio por haci di e area comercial aki uno mas yamativo, e bentanan sigur lo aumenta.

- Advertisement -

DUNA COMENTARIO

Please enter your comment!
Please enter your name here