Home General CBS ta pidi cooperacion di tur hogar cu ta wordo acerca pa...

CBS ta pidi cooperacion di tur hogar cu ta wordo acerca pa e encuestadornan

0
0
SHARE
- Advertisement -

CBS ta pidi cooperacion di tur hogar cu ta wordo acerca pa e encuestadornanORANJESTAD(AAN): Pa CBS por conduci e encuesta di entrada y gasto 2016, un programa special a selecta algun adres for di un lista di tur adres na Aruba.

E seleccion aki a sosode riba un forma completamente selecto, teniendo na cuenta cu e adresnan ta bon reparti riba tur distrito y bario na Aruba.

E ta sumamente importante pa tur hogar selecta coopera cu e encuesta di entrada y gastonan 2016.

Tur tipo di hogar ta wordo pidi pa participa. Incluyendo hogarnan cu ta consisti di un persona, di pareha cu of sin yiu. Hogarnan cu ta consisti di personanan bibando hunto, cu un of mas miembro di famia, por ehempel wela y welo y tambe hogarnan di personanan cu ta bibando hunto, sin ta famia di otro.

Tambe mester remarca cu e encuesta di entrada y gastonan di 2016 no ta solamente pa hogarnan di personanan naci na Aruba of tin nacionalidad Hulandes. Tur hogar na Aruba cu ta consisti di personanan cu ta bibando na Aruba, pa un aña of mas por participa na e encuesta aki y lo wordo acerca pa participa. Incluyendo hogarnan cu ta forma pa personanan cu a nace den extranhero y esnan di otro nacionalidadnan.

Den e seleccion di hogarnan tampoco ta exclui esnan cu no tin entrada di trabao of di un otro forma. E ta hopi importante pa CBS haya un bista completo y detaya di e entrada y gastonan di tur tipo di hogar y aki na Aruba solamente turistanan of hogarnan cu ta consisti di personanan cu ta biba na Aruba menos cu un aña, eseynan si lo wordo exclui.

Un Biaha mas CBS ta pidi cooperacion di tur hogar cu ta wordo acerca pa e encuestadornan. Un exito di e encuesta di entrada y gastonan 2016 ta depende di e cooperacion di un y tur. Pa cualkier pregunta of informacion por tuma contacto libremente cu CBS. E number di telefon a cambia. El a bira 5247433 y puntra pa cualkier miembro di e team di e encuesta di entrada y gastonan di Aruba.

Tur informacion cu drenta CBS ta confidencial y tur resultado cu saca manera semper ta agrega cu nunca por determina di ken e persona of di kico ta sacando e informacion.

Door di e periodo cu ta Juli, hopi famia ta cu vakantie, hopi famia no ta na cas of nan no ta coopera. Un biaha mas ta pidi pa por fabor, cu e cooperacion aki ta na fabor di un hogar mes pa determina prijs y servicionan cu ta wordo duna na Aruba pa asina por saca un cifra di inflacion nobo bek despues di 10 aña, segun Geerman.

- Advertisement -

DUNA COMENTARIO

Please enter your comment!
Please enter your name here