Home General Hulandesnan a relata na Hulanda di anochi di atraco na Bonaire

Hulandesnan a relata na Hulanda di anochi di atraco na Bonaire

2
0
SHARE
- Advertisement -

ORANJESTAD,(AAN); E e corant hulandes de Gelderlander, den su edicion recien a publica un entrevista cu famia van Dijk di Wilbertoord a regresa Hulanda cu trauma pa locual nan a pasa aden durante nan vacasion na Bonaire.

E famia durante nan estadia cerca tata di Andre van Dijk na Boneiro a haya nan mes den un atraco cu a tuma lugar na unda nan ta hospeda.

Riba dje tambe un polis a wordo tira y cu consecuencia cu el a fayece.

 E version ta menciona cu Adre y Monque a bolbe Hulanda hunto cu nan yiu homber Jur.

Nan a conta cu ta 6 homber bao menaza cu arma di candela a exigi placa, y hoyas.

E persona cu ta traha pa e famia na e cas a sa di a yama y reporta e caso na polis.

Andre ainda tabata den schock ta scucha locual su casa Monque tabata conta di e atraco brutal na cas di su mayornan na Bonaire y cu a termina spantoso.

Tabata diaranzon anochi nan tabata riba cama mientras su suegro tabata cerando cas.

Na dado momento el a wak con 6 intruzo via bentana di cushina ta drenta cas. Tres di e atracadornan a drenta den nan camber y Adre mester a drumi na suela .

E yiu homber Jur rapido a core bin cerca su mama riba cama.

E atracadornan tabata kier placa mientras nan tabatin arma apunta riba Adre. Den potmoni tabatin 400 dollar cual e atracadornan no a haya cu ta suficiente  E atracadornan a apunta pistol riba Monique y Jur di 12 aña y el a wak cu nan tabata yena e pistol.

Na prome lugar el a kere cu ta coi hunga pero mas despues el a haya sa cu ta arma di berdad e atracadornan tabatin den nan poder. Nan a bolter tur cos den e camber y finalmente nan a topa cu un   i-pad y tur cellular y a baha bay cu esakinan. Hasta yabi di e auto cu nan tabatin na Hulanda e boefnan a pasa man pe. Local ta yabi auto di su suegro nan a laga esaki atras.

Mientras un of dos otro atracador tabata cerca suegra di Monique van Dijk — cu tin mas cu 16 aña ta biba na Bonaire–e atracadornan a kita prendanan for di dedenan, pols, garganta.

E otro atracadorl a subi bay zolder na unda e hulp (cria) tin su camber. E cria tabata haci yamada na un amiga y e por a puntra pa e yama polis.

Mientras e yamada di yudanza a yega te cu a wordo dirigi patruya cu dos polis abordo.

Un di nan dos na yegada den e bario “Sabadeco “ a bay na e parti dilanti di e cas.

Ferry Bakx a bay na e parti patras na unda e atracadornan ta trata di huy.

El a scucha Pang, pang, pang y el a comprende cu algo no ta bon, Monique van Dijk a bisa.

Mientras e famia for di Wilbetoord ainda ta den camber riba cama cu pianan mara y pafo durante tiramento e polis Ferry Bakx a wordo herida y el a fayece despues na Hospital.

Na pidjama nan tres a wordo hiba warda di polis, na unda nan mester a duna declaracion .

Apesar cu simannan a pasa ainda e drama cu nan a pasa aden nan wowo ta yena cu awa.

 Hasta Jur di 12 aña a wordo interoga (verhoor). En corto por saca afor cu lo tin 6 atracador en total cu tin di duna cuenta na husticia. Te asina leu no tin mucha informe suministra di parti polis di Bonaire, posiblemente nan lo ta spera ora cu nan tin tur e 6 atracadornan deteni nan  duna informe y tambe di e armanan confisca y tambe a recupera e botin horta.

- Advertisement -

DUNA COMENTARIO

Please enter your comment!
Please enter your name here